_Nowell, nowell, nowell, nowell,_
_Missus est ad virginem angelus Gabriel._
Angelum misit suum Deus omnipotens,
Ut unicum per filium ejus salvetur gens.
Virgo ave, clamat ille, O Maria clemens,
Concipies et paries, virgo semper manens.
Virgo clam tremescit, nam mira valde audit,
Eam cui est ille missus confortavit.
Altissimi Patris tui virtus obumbravit,
Cui per flamen sacrum gramen in te seminavit.
Virgo clemens semper tremens ad verba angeli,
Cui flamen consolamen dat responsum illi,
Miti voce dicens, Ecce ancilla Domini,
Et secundum tuum verbum, ita fiat mihi.
Virgo Deum genuit verbum, quem alit cum cura,
Mirus Pater, mira Mater, mira Genitura;
Parit virgo solo verbo contra carnis jura,
Perseverante post et ante virgine pura.
Nobis natus, nobis datus, quem virgo lactavit,
Atque gregi, sic sub lege cunctaque creavit,
Miti corde nos a sorde moriendo lavit;
Miserere plebi tuae, Jhesu fili Davit.
Virgo pin, O Maria, pura ut lilia
Sponsa Dei, soror ei, mater et filia,
Tu Hunc ores, viatores ut fugiant vilia,
Et nos trahant huc quo gaudent sanctorum milia.
O Pater qui genuisti Hunc ab initio,
Et dedisti gentes Isti, pregaudens sacrificio,
Hic cum venit quos redemit sanguinis precio
Judicare, fac vitare nos a supplicio.