Ave Jesu, Deus magne
Ave Puer, mitis agne,
Ave Deus, homo nate
In praesepi reclinate!
O potestas, O egestas.
O majestas Domini!
O majestas, quidnon praestas homini?
Ut me pauperem ditares,
Ut me perditum salvares,
Jaces pannis involutus,
Omni ope destitutus.
O potestas, &c.
Inter bruta quam abjectus
Vagis, patris O dilectus!
Judex summe, verus Deus,
Propter me fis homo reus!
O potestas, &c.
O mi Jesu, cor devotum
Post te trahe, sume totum,
Igne tuo sancto ure,
Ah ah penitus combure.
O potestas, &c.
Procul vanas hinc amores
Procul malos arce mores,
Tuis meos aptos finge,
Aeterno me nexu stringe
O potestas, &c.