Aprés avoir cheminé huict lieues, sur le soir ils prindrent un
des prisonniers, à qui ils firent une harangue des cruautez que
luy & les tiens avoient exercées en leur endroit, sans avoir eu
aucun égard, & qu'au semblable il devoit se resoudre d'en
recevoir autant, & luy commandèrent de chanter, s'il avoit du
courage; ce qu'il fit, mais avec un chant fort triste à ouir.
Cependant les nostres allumèrent un feu, & comme il fut bien
embrazé, ils prindrent chacun un tizon, & faisoient brusler ce
pauvre miserable peu à peu pour luy faire souffrir plus de
tourmens. Ils le laissoient quelquefois, luy jettant de l'eau
sur le dos, puis luy arrachèrent les ongles, & luy mirent du
feu sur les extremitez des doigts, & de son membre. Après ils
luy escorcherent le haut de la teste, & luy firent dégoutter
dessus certaine gomme toute chaude: puis luy percèrent les bras
prés des poignets, & avec des bâtons tiroient les nerfs, & les
arrachoient à force: & comme ils voyoient qu'ils ne les
168/824 pouvoient r'avoir, ils les coupoient. Ce pauvre miserable
jettoit des cris estranges, & me faisoit pitié de le voir
traitter de la façon; toutesfois il estoit si constant, qu'on
eust dit qu'il ne sentoit par fois aucune douleur. Ils me
sollicitoient fort de prendre du feu, pour faire comme eux:
mais je leur remonstrois que nous n'usions point de ces
cruautez, & que nous les faisions mourir tout d'un coup, & que
s'ils vouloient que je luy donnasse un coup d'harquebuze, j'en
serois content. Ils dirent que non, & qu'il ne sentiroit point
de mal. Je m'en allay d'avec eux comme fasché de voir tant de
cruautez qu'ils exercoient sur ce corps. Comme ils veirent que
je n'en estois content, ils m'appellerent, & me dirent que je
luy donnasse un coup d'harquebuse: ce que je fis, sans qu'il en
veist rien. Après qu'il fut mort, ils ne se contentèrent pas:
car ils luy ouvrirent le ventre, & jetterent ses entrailles
dedans le lac, puis luy coupèrent la teste, les bras, & les
jambes, qu'ils separerent d'un costé & d'autre, & reserverent
la peau de la teste, qu'ils avoient escorchée, comme ils
avoient fait de tous les autres qu'ils avoient tuez à la
charge.
Ils firent encores une autre meschanceté, qui fut, de prendre
le coeur, qu'ils coupèrent en plusieurs pieces & le donnerent à
manger à un sien frere, & autres de ses compagnons qui estoient
prisonniers, lesquels en mirent en leur bouche, mais ils ne le
voulurent avaler. Quelques Sauvages Algoumequins qui les
avoient en garde, le firent recracher à aucuns, & le jetterent
dans l'eau. Voila comme ces peuples traittent ceux qu'ils
169/825 prennent en guerre, & vaudroit mieux pour eux mourir en
combatant, ou se faire tuer à la chaude, comme il y en a
beaucoup qui font, plustost que de tomber entre les mains de
leurs ennemis. Après ceste exécution faite, nous nous mismes en
chemin pour nous en retourner avec le reste des prisonniers,
qui alloient toujours chantans, sans autre esperance d'estre
mieux traittez que l'autre. Estans aux sauts de la riviere des
Hiroquois les Algoumequins s'en retournèrent en leur pays, &
aussi les Ochatequins[269], avec une partie des prisonniers,
fort contents de ce qui s'estoit passe en la guerre, & de ce
que librement j'estois allé avec eux. Nous nous departismes
donc les uns des autres avec de grandes protestations d'amitié,
& me dirent si je ne desirois pas aller en leur pays, pour les
assister tousjours comme frere: je le leur promis, & m'en
revins avec les Montagnets.
[Note 269: Ochateguins; c'étaient des hurons, dont le chef s'appelait
Ochateguin.]
Après m'estre informé des prisonniers de leurs païs, & de ce
qu'il pouvoit y en avoir, nous ployasmes bagage pour nous en
revenir: ce que fismes avec telle diligence, que chacun jour
nous faisions 25 & 30 lieues dans leurs canaux, qui est
l'ordinaire. Comme nous fusmes à l'entrée de la riviere des
Hiroquois, il y eut quelques Sauvages qui songèrent que leurs
ennemis les poursuivoient. Ce songe leur fit aussi tost lever
le siege, encores que ceste nuict fust fort mauvaise, à cause
des vents & de la pluye qu'il faisoit, & furent passer la nuict
dedans de grands roseaux, qui sont dans le lac Sainct Pierre,
jusqu'au lendemain. Deux tours après arrivasmes à nostre
170/826 habitation, où je leur fis donner du pain, des pois, & des
patenostres, qu'ils me demanderent pour parer la teste de leurs
ennemis, pour faire des resjouissances à leur arrivée. Le
lendemain je fus avec eux dans leurs canaux à Tadoussac, pour
voir leurs cérémonies. Approchans de la terre, ils prindrent
chacun un bâton, où au bout estoient pendues les testes de
leurs ennemis, avec ces patenostres, chantans les uns & les
autres. Comme ils en furent prés, les femmes se despouillerent
toutes nues, & se jetterent en l'eau, allans au devant des
canaux pour prendre ces testes, pour après les pendre à leur
col, comme une chaisne precieuse. Quelques tours après ils me
firent present d'une de ces testes, & d'une paire d'armes de
leurs ennemis, pour les conserver, afin de les monstrer au Roy:
ce que je leur promis, pour leur faire plaisir[270].
[Note 270: Ici, l'édition de 1613 renferme quelques détails de plus, sur
ce qui se passa dans l'automne de 1609 et au printemps de 1610. (Voir
1613, p. 200-211.)]
_Desfaite des Hiroquois prés de l'emboucheure de ladite riviere
des Hiroquois._