En habes studiose lector Epistolas complures hetrusca lingua
conscriptas, gravissimis sententijs, Illustribusque exemplis egregie
refertas, quas ex varijs Italiæ locis, multo sudore, multa que
impensa Hortensius Lando collegit: suadenteque Octaviano Raverta in
volumen redegit (illo inquàm Octaviano) qui ob insignem animi pietatem
Terracinæ Pontifex designatus est: ac paulo post acclamantibus his, qui
fœminini sexus præ ceteris studiosi esse videntur, in apertum protulit.
Vale lector fœmineamque dignitatem (ut par est) amato, colito,
suspicito, & tandem adorato.