Qui magnitudinem suam eidem elemento debuit,
cui praecipuam hactenus Hollandia debet:
totum terrarum ambitum circumnavigavit
Utramque Indiam, Nauta, Miles,
Praefectusque Nautarum ac Militum
vidit; expugnato speculatorio
navigio, cum viribus ipsi multum
inferior, animo maior esset, argentiferae
Classi Americanae
capiundae viam patefecit.
Innumeras variarum gentium naves
Cepit, incendit, submersit.
Per omnes gradus militiae navalis eluctatus
Propraetor Patriae
Classes et expeditiones maritimas
Annis XX rexit.
Decies quinque Classibus collatis cum hoste
conflixit,
Raro aequata clade; plerumque Victor ac
Triumphator praeliis rediit.
Restabat magnus tot belli facinoribus
Imponendus dies VIII Nov.
A. M D CLVIII.
In recto Maris Baltici supremum Virtutis
opus edidit.
Ibi primum in praelium ruens,
Praetoriam Suecorum invasit, afflixit,
Dein propraetorianac praegrandes alias,
Eorundem aliquot,
Armis, viris, animis
Instructissimas, sola propraetoria sua, rejecit,
afflixit, submersit;
Donec a sociis undique desertus, ab hostibus
undique circumfusus, discerpto globis
corpore, Bellatricem animam coelo
reddidit.
Corpus
Ipse Rex hostis
generosa fortitudinis hostilis admiratione,
splendide compositum in patriam remisit.
Vixit LIX annos.
Sic redeunt quos honor ac virtus remittunt.