_Coment les cardinals furent assemblés._
Et en cest an aussi, Phelippe conte de Poitiers, frère Loys roy de
France et de Navarre, qui en l'an devant passé estoit meu de Paris et
alé, du commandement son frère, à Avignon en Provence pour assembler
les cardinals, sé il peust pour faire pape, lors ot parlement avec les
cardinals qui ilec estoient demourans, et les fist assembler à la cité
de Lyons sur le Rhosne pour élection du nouvel pape faire le jour de la
feste saint Pierre et saint Pol en juing.