Le Roy qui habonde en toute bonté enuers les affliges A tres volontiers
recuilly en son Royaume le Sr. Antonio Perez pour les vertus qui
l'accompagnent et les serviçes que Sa Maj. espera de luy Au moyen de
quoy Sa Maj. accepte aussy tres volontiers sa foy et luy accorde sa
Royale Protection contre ceulx qui le persécutent.
Sa Maj. lui procurere de bon cueur le chappeu de Cardinal pour luy si sa
femme est morte, sinon pour son fils et en ecrire au S.^r de Luxembourg
affin quil en parle a Notre S.^t Pere.
Le Roy aure egard aussy de le pourveoir de bénefices et dignités en
l'eglise jusques a la concurrence de la somme de douze mil escus de
Reuenu par an auec permision de les rèsigner a ses enfans.
Quoy attendant Sa Maj. entend quil coutinne a estre payé de la pension
de quatre mil escus par au quelle luy a accordée & quil en soit si bien
assigné quil puisse tirer la commodité que Sa Maj. entend.
Se presentant occasions & moyens de gratifier le Sr. Perez de la ds.
somme Sa Maj. les embrassere volontiers.
Sera commandé a ceulx de son conseil de finances d aduiser sil y aure
moyen de secourir le ds. Perez de quelque somme d argent pour lui ayder
a mettre sus son aequipage.
Sera commandé au Cappitain des Suysses de la Garde de Sa Maj. ou a ses
liutenents de faire tenir ordinairement vng ou deux soldats suysses pres
la personne du ds. Perez pour prendre Garde a la sureté d Icelle.
Ces accordé articles ont eté respondus a Roan par le commandement du
Roy. Mr. le Connestable pric. le 13 de Janvier 1597. Signé. Neufville.
Monseigneur le Connestable connoisant les vertus & merites du ds. seig.
Perez & sur l'assurance quil luy a donee de son affection et fidelité au
service de Sa Maj. Scachant aussi combien elle l'ayme & estime luy offre
de semployer volontiers de tout Son pouuoir en toutes ses affaires & a
toutes ocasions & dapporter tout ce qui dependra de sa priere &
solicitacion soit enuers Sa Maj. & ceulx de son conseil pour
lacomplissament des presents articles. En foy de quoy il a signe la
prte. response a Ruan le 18 Januier 1597.