[212] Dionysius.
[213] Orig. reads _che_.
[214] _Importunate_ seems to be used here in the sense of _oppressive_
or _overbearing_.
+ _Of the phisitian Eumonus._ xlviii.
+ A phisitian called Eumonus tolde a sicke man, that laye in great
payne, that he coulde nat scape, but he muste nedes dye of that disese.
This sicke man within a whyle after, nat by the phisitians helpe, but by
the wille of God, guerysshed[215] and was holle of his disease: howe be
hit, he was verye lowe and bare[216] broughte. And as he walked forth on
a daye, he met the same phisytian, whiche, doubtynge whether hit were
the same sycke man or nat, sayd: Arte nat thou Gaius? yes, truelye, quod
he. Arte thou alyue or deed, sayde the phisitian? I am deed, quod he.
What doste thou here than, said the phisitian? Bycause, quod he, that I
haue experience of many thinges, God hath commanded me that I shulde
come and take vp all the phisitians that I can get, to him. Whiche
sayenge made Eumonus as pale as asshes for fere. Than Gaius sayd to him:
drede thou nat, Eumonus, thoughe I sayd all phisitians: for there is no
man that hath wytte, that wylle take the for one.