Kegahweendahmoonin kache dahkooahyod ahdesookaun, kecheoneshesheh
dushweengooh.
Wahgoosh ingooding keezhahgoobun haberdashero dahdahwawegahmig. Emah
metahskahkahmig ahyahtanegoobun kache gwahnahjewong mask, keoonje
ozhechegahdagoobun ahwegah cheahyood mamahjenood ahpe herongh azhe
obahkahmegezhejin. Ewh mask egewh mawezhah, meowh ahpe owh ahdesookaun
tebaindahgowk, ahgwahnahung kahkenah ewh ostegwan dahgooh helmiting,
kiya kahwekah mamahjenood ezheoobahkahmegezhese ayahsenenegoon.
Mahmahdah wechegawenebun, owhdush ezhechegang kahweendush
kedahwahbahdah zhenon ewh odangowh owh wabahkahmegezid, kiya koonemah
anahnookewenegwain nahchebahpid or mahwid, ewh mask ahpun ewh nahsob
azhenahgowk.
Owh wahgoosh kahgezheyaindum, wahjapezeh. Oge quakenon ewh mask
menahwah kiya menahwah. Oge gahnahwahbahdaun emah ahgwahjeeye-ee,
kiya gahnahwahbahdaun emah peenjahye-ee.
Ewh ahgwahjeeye-ee keche shooshoo ahyahgoobun kiya
kegezhechegahdagoobun! Ewh peenjahye-ee webahgoobun. Kagate onesheshin
oostegwan ayaug omah, ekedoo owh wahgoosh; kagate mejenahwa yahdahkahmig
kahwenaindib ahyahsenoog!
Nahnind quahnoj quewesansug ahyahwug kiya equasansug kemahzheh
ekoogenedwah oowh enaindahmoowod kahween kagoo ohbahbah mahndahsenahwah,
ewh atah oobeshegadahgoosewenewah, ahgoonwatahtesuwod kagoo
chekekadahmoowod medush azhe quakeskahwod enahkahkayah wahwazheowening.
Koonemah eneneh odah ahtood ewh onindj emah ostegwahning onowh pazhik
kiya tahekedooh kahekedood owh wahgoosh kagate sahquahnoj owh oostegwan
omah ayog kagate sah mejenah wayahdahkahmig ahyah senoog ewh wenaindib.
Eneneh tahezhah ishpeming, ahyahnzig menoo bemahdezewin, ahyahnzig
kechetwahwezewin, ahyahnzig ogemahwewin, ahyahnzig kekenooahmahdewin,
ahyahwahsig wejekewayun; kah dushween tahezhahsee ewhety ishpeming
ahyahwahsig Christ.
A man may go to heaven without health, without wealth, without honor,
without learning, without friends; but he can never go to heaven
without Christ.