§ =371=. P. 1, l. 1: Quant.--_Ms. d’Amiens_: Quant li roys Jehans fu
revenus à Paris, il entendi que li princes de Gallez estoit jà mout
avant en son pays et approçoit Berri. Si ne vot mies sejourner, mès
se parti tantost de Paris et prist le chemin de Chartres, et fist
de rechief ung très grant et especial mandement à tous seigneurs,
chevaliers et escuiers; les ungs prioit, les aultres coummandoit que il
venissent deviers lui à Chartres, à Orleans et à Blois, car il volloit
aller contre ses ennemis et yaux combattre.
Tout cil qui priiet et mandet furent, pour leur honneur ne veurent et
n’osèrent refuzer qu’il ne venissent là où li roys les avoit semons; et
avaloient chevaliers et escuiers à grans routtes par deviers Chartrez,
de Campaingne, de Bourgoingne, de Normendie, de Pikardie, de Bretaingne
et de touttez les marces par dechà le Loire et par de delà le Loire.
Remontaient ossi au mandement dou roy tout chevalier et escuier de
Poito, d’Ango, de Tourainne, de Saintonge, du Mainne et de Berri, et
faisoient leurs amas à Sansoire, à Saumur, à Loches, à Poitiers, à
Tours et en le Haye en Tourainne. Et vous di que li roys de France
assambloit si grant gens c’à merveillez, et droite fleur de chevalerie
et esquirie.
Endementroes que ces assamblées se faisoient, et que li roys de France
vint de Normendie à Paris et de Paris à Chartres, chevaucha li prinches
de Galles, qui n’avoit cure de sejourner. Et se partirent de Limozin
et d’Auviergne Englès et Gascon et leur routte, et entrèrent en Berri,
ardant et essillant le pays, et ardirent les fourbours et assaillirent
à le chité. Fº 102 vº.
P. 1, l. 1 et 2: Quant.... Normendie.--_Mss. A 15 à 17_: Quant le roy
Jehan de France eut conquis Bretueil et grant partie de Normandie. Fº
177.
P. 1, l. 2: chevaucies.--_Ms. A 7_: chevauchiées. Fº 172.--_Ms. B 3_:
voiages. Fº 183.--_Ms. B 4_: chevauchies. Fº 169 vº.
P. 1, l. 7: durement.--_Mss. A 8, 9_: moult forment.
P. 1, l. 10: quel.--_Mss. A 8, 9_: quelque.
P. 1, l. 15: fievés.--_Mss. A 8, 9_: fiefs.
P. 1, l. 15: à.--_Mss. A 8, 9_: sans soy.
P. 2, l. 1: venist.--_Ms. B 6_: dedens quinze jours en le chité de
Chartres. Fº 531.
P. 2, l. 8: rois.--_Ms. B 6_: qui tenus estoit à Roem, se party.