Anno Domini [millesimo][163.2] quadringentesimo quinquagesimo nono,
mensis Novembris, videlicet, die Sabbati proximo post Festum Omnium
Sanctorum, Johannes Fastolffe, miles, de com’ Norfolk, Norvicen’ dioc‘,
in manerio suo de Castre, dict’ dioc’, suum condidit testamentum, et
ipsius ultimam declaravit voluntatem, prout sequitur:--In primis,
commendavit et commisit animam suam Deo Omnipotenti, Creatori suo, ac
gloriosæ Virgini Mariæ, matri Domini nostri Jesu Christi, et omnibus
Sanctis. Item, legavit corpus suum, postquam ab hac luce migraverit,
sepeliendum in ecclesia conventuali monasterii Sancti Benedicti in
Hulmo, Norvicen’ dioc’, sub arcu novæ capellæ per ipsum ibidem de novo
constructæ, ex parte australi chori sive cancelli, sub tumba marmorea,
juxta corpus Milicenciæ olim consortis suæ ibidem sepultæ; ac voluit
quod abbas et conventus monasterii prædicti, antequam corpus suum ibidem
sepeliretur, securitatem facerent quod dabunt et concedent Johanni
Paston et aliis per ipsum nominandis, licentiam dandi et concedendi
septem monachis vel presbyteris et eorum successoribus in quodam
collegio apud Castre prædict’ per prædictum Johannem Paston stabiliendo
et dotando, terras et tenementa quæ idem Johannes Paston et alii
feoffati per ipsum Johannem Fastolf seu suos feoffatos de dictis abbate
et conventu tenent, vel tantum inde quantum idem Johannes dictis
monachis vel presbyteris dare voluerit. Item legavit, ordinavit, et
præcepit omnia debita sua fideliter persolvi et quæcumque per ipsum
forisfacta de quibus constare poterit, emendari, restitui,[164.1] et
satisfieri cum effectu. Item legavit ad reparationem et sustentationem
portus villæ Magnæ Jernemuth’, ac ad renovationem et sustentationem
murorum dictæ villæ pro bono commodo reipublicæ, salva tuitione villæ
prædictæ et patriæ adjacentis, centum marcas sterlingorum, sub
conditione quod burgenses seu gubernatores dictæ villæ sine mora seu
dilatione perficiant[164.2] reparationem portus et murorum prædictorum
quamdiu dicta summa a se extendet, ut gentes ibidem commorantes habeant
animam suam in suis orationibus specialiter recommendatam. Item,
cuilibet ecclesiæ parochiali singularum villarum in quibus habuit, aut
aliquis ad suum usum habet, domum seu manerium, terras, et tenementa pro
speciali recommendatione animæ suæ, unum vestimentum de serico panno pro
missis ibidem celebrandis, et quod fiat in eodem scutum armorum suorum
brodinatum secundum discretionem executorum suorum et indigentiam
dictarum ecclesiarum. Item, legavit et ordinavit servientibus[164.3]
suis et familiaribus domesticis remunerationem condignam seu competentem
de bonis suis mobilibus juxta statum suorum [_sic_] ad summam tres
centum marcarum, ita quod quilibet generosus habeat duplicem ad
valentiam, et sic descendendo successive juxta statum eorum seu
exigentiam meritorum ministrorum suorum ac fidelium laborum, habita
tamen consideratione ad certos servientes[164.4] circa personam suam
attendentes diebus et noctibus in laboribus, angustiis et vigiliis, tam
in sanitate quam in infirmitate, circa præservationem corporis sui ac
sanitatem celerius obtinendum. Item, legavit cuilibet ordini Fratrum
religiosorum et domorum Mendicantium, tam in villa Magnæ Jernemouth quam
in civitate Norwici, pro recommendatione animæ suæ, summam competentem
secundum discretionem executorum suorum limitandum, cum nihil in proprio
habeant unde sustentari valeant nisi de caritate et elemosina devotorum
Christianorum. Residuum vero omnium bonorum suorum mobilium legata sua
excedentium, ac catallorum suorum vivorum et mortuorum, ac debita
singula quæ sibi debeantur, dedit et legavit executoribus suis
infrascriptis juxta modum, formam et potestatem eisdem per eum superius
limitatam, specificatam et ascriptam, ut ipsi eisdem modo et forma, per
inde omni pondere discretionis et sani consilii, ea distribuant pro
salute animæ suæ inter maxime debiles et pauperes, claudos et cæcos, ac
alios impotentes in eorum lectis decumbentes, se et suos sustentare
commode non valentes; habita consideratione speciali ad pauperes de
consanguinitate et affinitate sua intimos et propinquos, et præsertim in
locis ubi quondam possessiones, prædia, redditus et sua dominia fuerunt
situata, et præsertim in villis et locis ubi habent, seu aliquis ad usum
suum habet, dominia, maneria, terras, tenementa, et etiam ad
emendationem pauperum ecclesiarum villarum prædictarum, viarum turpium
et pontium communium reparationem, et in aliis piis elemosinariis usibus
et caritatis operibus, specialiter in comitatibus Norfolk’ et Suffolk’;
et quod circa funeralia et legata sua ac elemosinas supradictas primo
anno post decessum suum mille marcæ seu mille libræ disponantur, et
annuatim postea quingentæ libræ, triginta tres libræ, sex solidi et octo
denarii, quousque bona sua mobilia et pecuniæ de venditione terrarum ac
bonorum suorum vendendorum provenientia modo et forma prædictis plenarie
disponantur, sicut coram Deo in die extremo Examinis voluerint
respondere; et ad hoc eos exhortabatur in Domino Jesu Christo taliter
pro[165.1] ipso singula fideliter peragere vellent cum pro eis in casu
consimili faceret juxta conscientiam, rationem, et justitiam. Et
prædicti testamenti ac ultimæ voluntatis suæ suos executores ad
exequendum, disponendum et ministrandum modo et forma per eum inferius
limitatis et subscriptis, constituit, ordinavit, fecit et elegit
Willelmum Wintoniensem episcopum; Johannem, Dominum de Beauchamp;
Nicholaum, abbatem de Langle; Johannem Stokes, legum doctorem; Fratrem
Johannem Brakley, doctorem theologiæ; Willelmum Yelverton, unum
justiciariorum Domini Regis; Johannem Paston, armigerum; Henricum
Filongley, armigerum; Dominum Thomam Howes, presbyterum; et Willelmum
Worcester; quos modum et formam executionis et administrationis bonorum
suorum per executores suos fiend’ sic limitavit, voluit, disposuit, et
modificavit; videlicet, quod prædicti Johannes Paston et Thomas Howes
solum et ante alios executores prædictos subeant et habeant
administrationem et dispositionem omnium bonorum mobilium, catallorum ac
denariorum ex venditione omnium terrarum et tenementorum suorum
vendendorum et proficuorum eorundem terrarum et tenementorum
provenientum, ut ipsi duo soli ea disponant pro salute animæ suæ, et
quod alii executores supradicti abstineant se ab omni administratione
dictorum bonorum suorum, nisi pro modo, forma, causa, loco, et tempore
quibus per ipsos Johannem Paston et Thomam Howes ad eorem juramenta pro
dicta administratione fuerint evocati pariter et rogati; et quod nullus
dictorum aliorum executorum suorum sine consensu et voluntate ac
advisamento dictorum Johannes Paston et Thomæ Howes capiat aliquid seu
distribuat de bonis suis mobilibus et catallis prædictis, nec
venditionem eorundem neque terrarum nec tenementorum prædictorum faciat,
nec aliqua sibi debita recipiat, neque aliquos creditores suos quovis
modo acquiet et, neque, prædictis Johanne Paston et Thoma Howes
viventibus et administrare bona sua volentibus, aliquis alius executorum
prædictorum administrationem bonorum suscipiat suorum, sed quod quantum
dicti alii sui executores ad [_sic_] eorem singuli prædict’ Johanni
Paston et Thomæ Howes in quibuscunque egibilibus [_sic_] quæ hujusmodi
testamentum et ultimam voluntatem concernentibus, favorabiliter
assistant et succurrant cum per eosdem fuerint ad hoc requisiti. Voluit
tamen quod si alter prædictorum Johannis et Thomæ recusaverit onus
administrationis bonorum hujusmodi subire, vel ante administrationem
functam obierit, quod tunc ille dictorum duorum executorum suorum
administrare volens eligat unum de executoribus prædictis sibi
associandis quem putaverit in hiis sibi magis idoneum, et ita voluit
fieri de omnibus aliis executoribus præscriptis; videlicet, quod uno
moriente vel deficiente de duobus, alter loco ipsius ad electionem
administrationem incumbent’ substituatur et assumatur. Si autem ambo
executores prædicti onus recusaverint subire administrationis prædictæ,
vel ambo executores administrationem incumbentes moriantur antequam
substituantur executores alii, voluit quod tunc illi duo executores
viventes prædictam administrationem subeant et habeant quos major pars
executorum viventium sui testamenti duxerit eligendos, et quod illi duo
administrationem subeuntes ad dictos Dominum Episcopum et Dominum de
Beauchamp, Nicolaum Abbatem de Langley, Johannem Stokes, Fratrem
Johannem Bracley, Willelmum Yelverton, Henricum Filongley, et Willelmum
Worcester recursum habeant pro eorum consilio et advisamento obtinendo
in causis arduis et materiis requisitis. Supervisores vero dicti
testamenti reverendissimum in Christo patrem et dominum, Dominum Thomam
Dei gratia Cantuariensem Archiepiscopum, Walterum Episcopum Norwicensem,
Magistrum Robertum Popy clericum, et Hugonem Fenn, Domini Regis
auditorem, ordinavit et constituit, et voluit quod dicti duo executores
onus administrationis subeuntes remunerarentur secundum merita laborum
suorum et diligentiam in præmissis expediendis juxta discretionem dicti
Domini Episcopi Wintoniensis et Magistri Johannis Stokes, seu majoris
partis aliorum executorum viventium. Supervisores vero prædicti et
cæteri executores remunerarentur secundum merita laborum suorum per
discretionem duorum executorum dictæ administrationi incumbentium. Et
voluit quod si quis prædictorum per eum superius nominatorum dictos
Johannem Paston et Thomam Howes in officio suo hujusmodi seu circa
administrationem bonorum ejusdem defuncti quoquomodo impediverit,
turbaverit, vexaverit, molestaverit, vel inquietaverit, aut aliquid
prædictorum facere præsumpserit vel conatus fuerit, ab administratione
bonorum suorum omnino removeatur, et si quid præmissorum ante
susceptionem administrationis hujusmodi attemptaverit, ipsum ad
administrationem hujusmodi nullatenus admitti voluit et declaravit.
Datum anno Domini, mense, die, loco supradictis.
[Footnote 163.1: From a modern copy among the MSS. at Narford,
in the possession of Andrew Fountaine, Esq. The original of this
document has not been met with, and the copy from which it is
printed is unfortunately very corrupt; but no other text is
obtainable. The more obvious inaccuracies have been corrected,
but some obscurities remain, on which the reader may exercise
his own judgment. For a knowledge of this document I am indebted
to Mr. Tyssen Amhurst, of Didlington Hall, Brandon, to whom it
was lent by the owner.]
[Footnote 163.2: Omitted in MS.]
[Footnote 164.1: restum, MS.]
[Footnote 164.2: proficiant, MS.]
[Footnote 164.3: finentibus, MS.]
[Footnote 164.4: finentes, MS.]
[Footnote 165.1: per, MS.]
388