_To the right wurshepfull Sir, my good Maystyr John Paston._
[Sidenote: 1455]
Right worshepfull Sir, and my good maistyr, I recomaund me louly unto
you, thankyng youre good maystyrshep for your good remembraunce for the
cherche of Stokysby, wherupon I have desyred my trusty frend, Wylliam
Worcestre, to come be the Abot[16.2] homward, besekyng you to avertyse
hym youre good avyse how he may be have hym best in this mater to the
seyd Abot, etc. And, Sir, en cas ye myght be at a leyser to be with my
mayster upon Thursday next comyng, forasmyche as Maistyr Yelvyrton and
Jenney shal be her, ye shuld do my maistir ryght gret pleasure. And I
beseke you the rather for my sake, for at that tyme the conveyaunce of
al materez shal be comounyd of; and I know verely your avyse shall peyse
depper in my maisterys conceyt thanne bothyn thers shal do. Ye have
dayly gret labour for me, God reward yow, and my pore preyer ye shall
have, &c. I beseke Almyghti Jesu have you in hese mercyfull governaunce,
and graunt you evyr that may be to your most herte plessaunce, &c.
Your chapeleyn and bedeman,