_To my right trusty and welbelovyd cosyn, John Paston, in goodly haste._
[Sidenote: 1455 / FEB. 7]
Ryght trusty and welbelovyd cosyn, I comaund me to yow. And please yow
to wete that I am avertysed that at a dyner in Norwiche, wher as ye and
othyr jentylmen wer present, that that ther were certeyn personez,
jentylmen, whiche utteryd skornefull language of me, as in thys wyse,
with mor, seyeng, ‘War the, gosune [_cousin ?_] war, and goo we to
dyner; goo we wher? to Sir John Fastolf, and ther we shall well paye
ther fore.’ What ther menyng was, I knowe well to no good entent to me
ward; wherfor, cosyn, I prey yow, as my truste is in yow, that ye geve
me knowelege be writing what jentylmen they be that had this report
with more, and what mo jentylmen wer present, as ye wold I shuld and
wer my deute to do for yow in semblabyll wyse. And I shall kepe yowr
informatyon in this mater secret, and with Godds grace so purvey for
hem as they shall not all be well pleasyd. At suche a tyme a man may
knowe hese frendes and hese fooes asonder, &c. Jesu preserve and kepe
yow.
[15.1] Wretyn at Caster, the vij. day of Feverer, anno xxxiij. R. H.
vj^ti.
JOHN FASTOLF, Knyght.
[Footnote 15.1: [From Fenn, iii. 232.]]
273