[_Census domus del Conners præposito Valentiæ_][A].
Le Conners fai al prebost iiii. libr. cessals paiar a la S. Apolenar e dos
fromaiges que devont valer vi. sols, par v. chabanarias e par lo claus
prebostal Manaisa, e par una pessa de terra e par una pessa de pra que sont
a Moillasola, e par tres pessas de bosc que sont Manaisa el loc que es
appellas a Peireira, e tochant se de doas partz al bosc del Connier e
d'autra partz a la via pubica de Rotmas; & par una pessa de terra aqui
meesme, que se ten d'una partz al bosc davandit, & d'autra partz a la terra
de S. Pere de Borc, & d'aultra partz a la via de Rotmas; & par aultra terra
que se ten d'una partz al bosc de Durant Berbier, & d'aultra partz al champ
del prebost, & d'aultra part a la terra deu Jon. de Sainct Bartalmieu; &
par una pessa de bosc que es el terraor del Coing, qui se saienreire de S.
Anthoni. Et generalement per totas las terras cotivas & non cotivas, box,
pasquers e chassas; & par totas las chauzas que tenian saienreire dels
prebost li maisos de S. Anthoni el dit terraor de Javaisa de sotz la via &
de sobre la via; & par una pessa de bosc en las chauzas que es al Coing, e
tocha se d'una partz an la terra del Conier & d'aultra partz an lo viol qui
vai al pra de la maiso del Conier: retengu al prebost & sos successors en
totas las chausas que sont dechas la seignoria & par las pasquers de la
Chalm & de tota la prebostia.
[A] Cette notice en langue vulgaire est tirée de la transaction du 6 mai
1531; sa date approximative est déterminée par la charte précédente dont
elle reproduit la majeure partie.
* * * * *