En tim' mi iras en montar',
l' animo en sufok'.
Ho-hu! karcer' de terurar'
por mi nun tiu lok'!
Malvastas brust' sub peza prem',
ne spiri povas mi.
Pensadas mi kun tima trem':
La pint', cxu falos gxi?
Jen blokas roka mura front'
por vid', anim' kaj sens'.
Per griza kruta krest' de l' mont'
barigxas mia mens'.
Izola mia stato nun
sen fresxa mara vent'.
Obtuza estas la rezon'
de kri' el roka fend'.
Se for de roka sovagxej'
mi turnas min en tim',
tuj baras blua krut-sxtonej'
jen por la vido-lim'.
Ho-hu! Mallum', premiga sent'!
Fridigxas je genu'.
Kaj hu! Dezerta mortsilent'!
Kvazauxas tomba tru'.