Amangan á ragsac quen talecda
daguiti adda caayanayatda
ta adda piman mangricná
cadaguiti isuamin á asugda.
Ni gasatco á nababa
aoanen ngatat capadana,
ta cunac diac agduadua
ta agdama ngarud nga innac masagaba.
Ta nupay no agayatac
iti maysa á imnas
aoan lat pangripripiripac
nga adda pacaibatugac.
Ilunudconto ti horas,
nga innac pannacayanac
ta mamenribo coma á naseseat
no natayac idin ta nayanacac.
Gayagayec comá á ipalaoag,
ngem bumdeng met toy dilac,
á ta maquitac met á sibabatad
nga ni paay ti calac-amac.
Ngem umanayento á liolioac,
ti pannacaammon itoy á panagayat,
ta icaric quenca quet isapatac
nga sicá aoan sabali ti pacatayac.