Iti lennaao ti Abril sinibuganna
ti sabung á nalasbang ti caliz nasilaoanna
quet iti naidumat sayamusom sinacnapna
ti maysa nga agayat naliolioa.
¡Oh! nasudi á jardin quet nasalumpaya
daguiti busel ti rosas quen azucena
iti raniag ti Init ti caarigna
quet ti annaraar ti pagbiaganna.
Iti ngad clavel, quen amapola
quen dadduma á sabung á narangpaya
daguiti agadioara á ayamuomda
napacmer ti doctor ta nasay-opnaca.
Quet iti balitoc á naidumat pategna
á mapurar ti macaquita
ti bituen Matutino á conada
maatiopay ngarud ti raniagna.
Daguiti babbalasang á maquita
isoda á macaaois iti sayaatda
iti sayacsacda á naiduma,
á pagpupunipunan ti liólioa.
Naarcusanda ti nadumaduma
ti boocda á simmampaga
iso á macagargari nga agdama
á rasucan ni ayat á napigsa.
Imatangam, morena,
ti naapgues á panagayatna
ta mayarigac iti maisa á amapola
á sinacnap ti Abril ti ayatco quenca.