Cas rangas quen tabilang
iti bilin ti linteg á naindayaoan
no bay-ac ti cumablao ita biang
itoy pannacayanacmo á naingasatan.
Anansata tapno innac maliclican
daytoy á cadaoyan á cadadacsan
pinilic itay á guinamgam
ni pacumbaba á cas inna carbengan.
Sam-it quen ayat inca itay capnecan
iti tarigagayco á maquitam
á panagay-ayat quen panaguiaman
itoy natalibagoc unay á panagfiestam
Tandá toy ragsac quen rag-ó á napalaluan
toy felicitación nga itdec á sipapacurang
quet nupay no nanomó ibilangmo á capatgan
igapum itoy aldao á nacayanacam.
Oen ta isu ti pacaquitaan
iti ayat á incacabsatan
quet tarigagayac met á iparangarang
iti ayatco quenca á sirarangrang.
Rosas quem sabung á madumaduma
iti bangló quen nacay-ayat á buya
agucradcay amin á padapada
quet ayumuomyo ti incay yadioara.
Agnanayon quenca ti caasi á nailangitan
ta agtaengca ti gracia quen pia á tartarigagayan
mairanudcanto coma met á di agcurang
iti gloria ti Dios á catan-ocan.