Cas jazmin á nalaylay ti cayarigan
no 28 añosen ti magtengan
quet rebbeng unay á pagdanagan
ti nganngani á pannacaconsúmonan.
Ata uray aniá ti aramiden
á mangtucod no aguirayen
cascasdinto la nga agtuangen
ta iti lasbanga nalaylayen.
Sapaem ngad á liclican
detoy cadaoyan á cadadacsan
ipaquitam la ti lasbangmo quen rangpayam
uray no quinabaquetmo ti madanonan.
Ta nangrona unay no caseatem ti agsúcat
íti lacom nga arac
adunto la ti agayat
quenca nangruna ni S. quen ni B....
Ongetmo me ti pengdam,
ta maisa met dayta á pagbaquetan
nangrona no innaca tactacaoan
ni G.... á maragampang.
Ragragsaquem la dayta naquemmo,
nagrona no maquitam ida nga agcariño
ni baquet D. quen ni M....
ta casda la tigui iti cabudo.
Alá no castá ti aramidmo,
dica duaduaen á lac-amemto
ti maicapitó á Sacramento
á insungsung ni don Domingo.