30Dopo vej cjantàt un ìno, a sòn tornàs là dal Mont daj Ulìfs.
31Alora Gjeù a ghi à dita: Stanòt dùcjus vuàltris i vi
scandaliarèis di me, parsè che cussì a stà scrìt:
I bastonaràj il pastòu, e li pioris da la mandria
a vegnaràn dispierdùdis.
32Ma cuant chi tornaràj fra i vifs, i zaràj davànt di vuàltris in
Galilea.
33Pieri al à rispundùt: Encja se ducju chej àltris a si
scandalièin di te, jò no i no mi scandaliaràj maj.
34I ti dìs la veretàt, Gjeù a ghi à rispundùt, stanòt, prima
cal cjanti il gjal, i ti zaràs a rinegami tre vòltis.
35Ma Pieri al à insistùt: Encja se jò i ài da murì cun te, i no
zaràj maj a rinegati. E ducju i àltris a àn fàt la stesa roba.