17Tal prin dì da la Fiesta dal Pan Sensa Levàn, i disèpuj a si
sòn visinàs a Gjeù e a ghi àn domandàt: Indulà i vutu chi
ti preparani par mangjà la Pascua?
18Luj al à rispundùt: Zèit in sitàt là di un tal di omp e
dieighi: Il maestri al dìs: Il me timp a si visina. I vèn a
celebrà la Pascua cuj me disèpuj ta la to cjaa. Cussì i
disèpuj a àn fàt coma cal voleva Gjeù e a àn preparàt la
Pascua.
20Che sera lì, Gjeù a si à metùt a senà cuj Dòdis. E mentri
ca mangjàvin al à dita: I vi dìs la veretàt, che un di vuàltris
al zarà a tradimi.
22Lòu a si sòn sintùs mal e a àn tacàt a diighi, un dopo
laltri: I no saràj miga jò, no, Signòu?
23Gjeù al à rispundùt: Chèl cal à metùt la man ta la
scugjela cun me al zarà a tradimi. Il Fì dal Omp al zarà
coma ca è stàt scrìt di luj, ma guaj al omp cal tradìs il Fì dal
Omp! A sarès tant miej sa nol fos maj nasùt.
25Alora Gjuda, cal sarès zùt a tradilu, a ghi à dita: I saràju
jò, Maestri?
Gjeù a ghi à rispundùt: Ti lu às dita tu.
26Mentri ca mangjàvin, Gjeù al à cjapàt sù na pagnoca di
pan, a ghi à dàt la benedisiòn e dopo vèjla rota a tocùs a ghi
là data ai disèpuj, diìnt: Cjapàit e mangjàit; chistu al è il
me cuarp.
27Dopo al à cjòlt sù un got, e dopo vej dita gràsis a ghi lu à
ufrìt a chej àltris, diìnt: Bevèit dùcjus. Chistu al è il me
sanc dal acordu, cal vèn sbicjàt fòu par tàncjus pa la
remisiòn daj so pecjàs. I vi dìs jò chi no bevaràj pì di stu frut
da la vit da adès indavànt fin ta chel dì cuant chi lu bevaràj
di nòuf cun vuàltris tal regnu di me Pari.