23 Alora Gjeù a ghi à dita a la zent e ai so disèpuj: I
maèstris da la les e i Farièos a sòn sintàs ta la càtedra di
Moè. Cussì i vèis da ubidìju e fà dut sè ca vi dìin di fà. Ma
no stèit fà sè ca fàn lòu, parsè che lòu a no pratichèjn sè ca
predicjèjn. A lèjn sù càrgus peàns e a vi ju mètin ta la
schena, ma lòu stes a no si scompònin nencja un puc par
mòviu.
5Dut sè ca fàn al è fàt par cal vegni jodùt daj òmis: i so
filàteris a ju fàn larcs e a implenìsin di penàcjus li so
mantelìnis; a ghi plas vej il post di onòu ai banchès e i bancs
pì importàns ta li sinagòghis; a ghi plas vignì saludàs ta li
plàsis e vignì clamàs Rabì.
8Ma i no vèis da vignì clamàs Rabi, parsè chi vèis doma
un Paròn e vuàltris i sèis dùcjus fràdis.E in cjera no stèit
clamà nisùn pari, parsè chi vèis un Pari e chèl al è tal cjel.
E i no vèis nencja da vignì clamàs maestri, parsè chi vèis
belzà un Maestri, il Crist. Il pì grant fra di vuàltris al sarà il
vustri servitòu. Parsè che cualsìasi di vuàltris ca si ealta
besòu al vegnarà umiliàt, e chèl cal e ùmil al vegnarà ealtàt.
13Guaj a vuàltris, maèstris da la les e Farièos, ipòcris chi
sèis! I ghi sieràis il regnu dal cjel in mua ai òmis. Vuàltris
stes i no zèis dentri, e i no lasàis zi dentri nencja chej ca
pròvin a zì.
15Guaj a vuàltris, maèstris da la les e Farièos, ipòcris chi
sèis! I zèis inziru par mar e mont par convertì un omp e
basta, e cuant ca si à convertìt i lu fèis doventà do vòltis un
fì dal infièr, coma chi sèis vuàltris.
16Guaj a vuàltris, guìdis svuàrbis! I dièis: Se un al zura pal
templi, a no vòu dii nuja; ma se un al zura pal òru dal
templi, alora al à da tègnisi al so zuramìnt. Svuàrps di
macàcos! Cual al vàlia di pì: lòru o il templi cal rint lòru
sacri?
18I dièis pur: Se un al zura pal altàr, a nol zova nuja, ma se
un al zura pa loferta ca ghi è insima, alora al resta obligàt al
so zuramìnt. Svuàrps di òmis! Sè ca è pì grant: la oferta o
laltàr cal fà la oferta sacra? Duncja, chèl cal zura pal altàr al
zura par chèl e par dut sè ca ghi è insima. E chèl cal zura pal
templi al zura par chèl e par Chèl ca ghi vìf dentri. E chèl
cal zura pal cjel al zura pal tronu di Diu e par Chèl cal è
sintàt ta chèl.
23Guaj a vuàltris, maèstris da la les e Farièos, ipòcris chi
sèis! I dèis la decima part da li vustri spèismenta, anèt e
cumìn. Ma i vèis trasgredìt li ròbis pì importàntis da la les
la gjustisia, la caritàt, la fedeltàt. Chìstis i vèvis da praticà,
sensa dismintià che àltris. Guìdis svuàrbis! I spudàis fòu il
muscjìn, ma i zèis a inglutì il camèl!
25Guaj a vuàltris, maèstris da la les e Farièos, ipòcris chi
sèis! I netàis par di fòu la vustra cìcara e il vustri plat, ma
dentri i sèis plens di avarisia e di intemperansa. Svuàrp di un
Farièo! Nètiti prin la to cìcara e il to plat par dentri, che
cussì a si netaràn encja par di fòu.
27Guaj a vuàltris, maèstris da la les e Farièos, ipòcris chi
sèis! I sèis coma tòmbis sblancjàdis, ca somèjn bièlis par di
fòu ma che dentri a sòn plènis di vuès di muars e di
sporcìsia. Cussì encja vuàltris par di fòu i ghi someàis juscj
a la zent, ma dentri i sèis plens di ipocriìa e malignitàt.
29Guaj a vuàltris, maèstris da la les e Farièos, ipòcris chi
sèis! I fèis sù sepùlcris paj profès e i sbieletàis li tòmbis daj
juscj. E i dièis: Si vèsin vivùt in taj dìs daj nustri pàris, i
no si sarèsin metùs insièmit cun lòu a spandi il sanc daj
profès. E cussì i testimoniàis cuntra di vuàltris stes, chi sèis
i disendèns di chej ca àn copàt i profès. Implenìt ben, alora,
la miura daj vustri pàris.
33Sarpìns chi sèis! Rasa di vìparis! Coma i farèju a
svignàvila da vignì condanàs al infièr? Par chèl alora i vi
mandi profès e sapièns e maèstris. Cualchidùn di chìscjus i
ju coparèis e i ju metarèis in cròus; àltris i ju flagelarèis ta li
vustri sinagòghis e i ju casarèis fòu da la sitàt. E alora sù di
vuàltris al colarà dut il sanc inocènt cal è stàt spandùt ta la
cjera, dal sanc di Abèl il just a chèl di Zacarìa fì di Berechìa,
chi vèis sasinàt fra il templi e laltàr. I vi dìs la veretàt, che
dut chistu al susedarà ta chista generasiòn.
37O Gjerualem, Gjerualem, tu chi ti còpis i profès e chi ti
ghi tìris claps a chej ca ti sòn stàs mandàs, cuanti vòltis i àju
volùt tirami visìn ducju i to fioj, coma ca fà na clocja ca ju
ten sot li so àlis, ma tu i no ti às volùt. Jodèit ben che la
vustra cjaa a vi sarà lasada deerta. Parsè chi vi dìs jò chi
no mi jodarèis pì fin chi no diarèis: Cal sedi benedèt chèl
cal vèn in nòn dal Signòu.