33Scoltàit naltra paràbula: Un paròn al veva plantàt una
vigna. A ghi à fàt sù un mur dut atòr, al à scavàt na vasca
par folà lùa, e al à costruìt una tor. Dopo a ghi à fitàt la
vigna a cualchi contadìn e al è zùt a fà un viàs. Cuant ca era
ora da vendemà, al à mandàt i so servitòus là daj so
mieàdris par scuedi il so racòlt.
35I mieàdris a àn cjapàt i servitòus, e un a lu àn bastonàt,
unaltri a lu àn copàt, e un ters a lu àn lapidàt. Alora al à
mandàt altri servitòus, pì encjamò di prima; e i mieàdris a
ju àn tratàs ta la stesa maniera. Par ùltin al à mandàt so fì là
daj mieàdris. A varàn rispièt par me fì, al à dita.
38Cuant che i mieadris a à jodùt il fì, a si àn dita: Chistu al
è lerèt. Vegnèit. Zìn a copàlu, che cussì i varìn nu
lereditàt. Cussì a lu àn cjapàt e butàt fòu da la vigna,
indulà ca lu àn copàt. 40Alora cuant cal vèn il paròn da la
vigna, se làja da fàjghi a chej mieàdris? A ghi farà sufrì
na muart bruta a chej disgrasiàs, a àn rispundùt, e a ghi
fitarà la vigna a altri mieàdris ca ghi daràn la so part dal
racòlt cuant ca è ora da vendemà.
42Gjeù a ghi à dita: No veju maj leut ta li Scritùris:
Che piera che i muradòus a vèvin scartàt a è doventada la
piera claf; il Signòu al à fàt chistu e a nuàltris a ni è na
maravèa a jòdila?
43Duncja i vi lu dìs jò che il regnu di Diu a vi vegnarà partàt
via e consegnàt al pòpul ca lu farà frutà. Chèl cal cola ta stu
clap al vegnarà sfracelàt, e chèl cal risevarà tal cjaf il clap
cal cola al vegnarà stritulàt.
45Cuant che i capoprèdis e i Farièos a vèvin sintùt chisti
paràbulis, a àn capìt cal steva parlànt di lòu. A àn vuardàt in
ziru par jodi coma arestàlu, ma a àn vùt poura da la zent
parsè che la zent a lu considerava un profeta.