20 Il regnu dal cjel al è coma un paròn di cjaa cal è zùt
fòu di matina bunora par cjata zent ca ghi lavoràs a zornada
ta la vigna. A si à metùt dacordu cun lòu di pajàighi un
dìnar al dì e a ju à mandàs ta la vigna.
3Visìn da la tersa ora al è zùt fòu e al à jodùt àltris ca stevin
in plasa sensa nuja da fà. A ghi à dita: Zèit encja vuàltris a
lavorà ta la me vigna, e i vi pajaràj sè ca è just. Cussì a sòn
zùs.
Al è zùt fòu di nòuf visìn da la sesta ora e da la nona ora, e
al à fàt la stesa roba. Visìn da la undiceima ora al è zùt fòu
di nòuf e an dà jodùs àltris ca stèvin lì dibànt. A ghi a
domandàt: Parsè i steju chì duta la zornada sensa fà nuja?
7 Parsè che nisùn a ni à dàt lavoru, a àn rispundùt.
Alora a ghi à dita: Zèit encja vuàltris a lavorà ta la me
vigna.
8 Rivada la sera, il paròn da la vigna a ghi à dita al so
castaldu: Clama i vendemadòus e dàjghi la so paja, tacànt
cuj ùltins ca àn tacàt a lavorà e finìnt cuj prins.
9Chej ca vèvin tacà atòr da la undiceima ora a si sòn
visinàs e ogni un al à risevùt un dìnar.
10Alora cuant ca sòn vegnùs indavànt chej ca vèvin tacàt par
prins, a si spetàvin di risevi di pì. Ma encja ogni un di
chìscjus al à risevùt un dìnar. Cuant ca lu àn risevùt, a àn
tacàt a lamentasi cuntra il paròn. Chej òmis ca sòn vegnùs
ùltins a àn lavoràt doma na ora, a àn dita, e tu i ti ju às
tratàs coma nuàltris chi vìn sopuartàt il cargu pì peànt e il
calòu dal dì.
13Ma a un di lòu a ghi à rispundùt: Amigo, jò i no ti staj
faìnt tuàrt. I no èritu dacòrdu di lavorà par un dìnar? Cjoj
sù la to paja e và. I vuej dàjghi la stesa paja a chèl cal à tacàt
a lavorà par ùltin. I no àju il dirìt jò di fà se chi vuèj cuj me
bes? O i sotu invidiòus parsè chi soj generòus?
16Cussì lùltin al sarà prin, e il prin al sarà ùltin.