15 Alora cualchi Farièo e cualchi maestri da la les a sòn
vegnùs a cjatà Gjeù da Gjerualem e a ghi àn domandàt:
Parsè a ròmpini i to disèpuj li uànsis daj vècjus? A no si
làvin li mans prima da mangjà!
3Gjeù al à rispundùt: E parsè i rompèiu vuàltris il
comandamìnt di Diu in nòn da la vustra tradisiòn?
4Parsè che Diu al à dita: Onoràit il pari e la mari e Chel
cal maledìs so pari o so mari a è mièj cal mori. Ma vuàltris
i dièis che se un omp a ghi dìs a so pari o a so mari
Cualsìasi asistensa chi vèis risevùt da me al è un regàl chi
ghi faj a Diu, a no ghi rint pì onòu a so pari. Faìnt cussì i
rinegàis la peràula di Diu in nòn da la vustra tradisiòn.
Ipòcris chi sèis! Zaìja al veva raòn cuant cal à cussì
profetiàt su vuàltris:
8Chistu pòpul a mi onòra cuj so làvris, ma i so còus a sòn
lontàns da me. 9A mi adorèjn invàn; a insègnin dutrìnis e
precès daj òmis.
10Gjeù al à clamàt la zent visìn e a ghi à dita: Sè cal và ta
la bocja di un omp a no lu contaminèa; a è sè ca vèn fòu da
la so bocja ca lu contaminèa.
12Alora i disèpuj a ghi sòn zùs atòr e a ghi àn domandàt: I
satu che i Farièos a si sòn ufindùs cuant ca àn sintùt
chistu?
13Al à rispundùt: Ogni planta che il me Pari cal è tal cjel a
nol à plantàt a vegnarà tirada sù da li radis. Lasàju stà; a sòn
guìdis svuàrbis. Se un svuarp al guida naltri svuarp, ducju
doj a colaràn ta un fosàl.
15Pieri al à dita: Spièghini la paràbula.
16Ma i sèju encjamò cussì durs di cjaf? Gjeù a ghi à
domandàt. No jodèju che cualsìasi roba ca vèn metuda in
bocja a và tal stòmit e dopo a và fòu dal cuarp? Ma li ròbis
ca vègnin fòu da la bocja a vègnin dal còu, e chìstis a
contaminèjn il omp. Parsè che dal còu a vègnin fòu pensèjs
brus, omicidios, adultèris, imoralitàs sesuàls, rapìnis,
testimoniànsis fàlsis, bestèmis. Chìstis a sòn li ròbis ca
contaminèjn il omp; ma il mangjà cu li mans spòrcjs a nol
contaminèa il omp.