10 Al à radunàt i so dòdis disèpuj e a ghi à dàt il podèj di
scorsà fòu i spìris triscj e di vuarì ogni mieria e malàn.
2Chiscjus a sòn i nòns daj dòdis apòstuj: prin Simon (cal è
clamàt Pieri) e so fradi Drèa; Jacu, fì di Zebedea, e so fradi
Zuan; Filìp e Bartolomèo; Tomàs e Mateo il publicàn; Jacu
fì di Àlfio, e Tadèo; Simon il Cananeo e Gjuda Iscariòt, ca
lu à tradìt.
5Chiscju dòdis Gjeù al à mandàt fòu cun chisti istrusiòns:
No stèit zì fra i Gentìi e in taj paìs daj Samaritàns. Zèit
invensi là da li piòris pierdùdis di Israel. Cuant chi zèis,
predicjàit chistu, che il regnu dal cjel al è visìn. Vuarìt i
malàs, risusitàit i muars, curàit i levròus, scorsàit fòu i
demònis. Gràtis a vi è stàt dàt, e gràtis dèit. No stèit partà
cun vuàltris ta la vustra sintura nè òru nè arzènt nè ram; no
stèit partà nè sachèt da viàs, nè na tunica in pì, o sànduj o
bastòn, parsè che il lavoradòu al mereta il so mangjà.
11In ta cualsiasi sitàt o paìs chi entràis, zèit in sercja di buna
zent e stèit ta la so cjaa fin chi sèis prons di partì. Cuant chi
entràis ta na cjaa, dèjghi il vustri salùt. Se la cjaa a mereta,
lasàit che la vustra pas a resti cun chè; sinò partàit la pas cun
vuàltris. Se cualchidùn a nol vòu davi il benvegnùt e a nol
vòu scoltà li vustri peràulis, scjasàit il pòlvar daj vustri piè
cuant chi lasàis la so cjaa o paìs. I vi dìs la veretàt, che tal
dì dal judìsi a saràn pì toleràbilis Sodoma e Gomora che
chel paìs là.
16I vi mandi fòu coma agnèlis fra i lùpos. Duncja vuardàit di
èsi fùrbus coma i madràs e inocèns coma li colòmbis.
17Stèit atèns daj òmis; parsè ca vi consegnaràn ai so
concìlios e a vi flagelaràn ta li so sinagòghis. Par caua me i
sarèis partàs davànt daj governatòus e daj res coma
testimònis par lòu e paj pagàns. Ma cuant ca vi consègnin ta
li so mans, no stèit davi pensèj par chèl chi vèis da dii o par
coma chi lu diarèis. Ta chej momèns lì a vi sarà dàt sè chi
vèis da dii, parsè chi no sarèis vuàltris chi parlarèis, ma il
Spirit di vustri Pari cal parlarà in vuàltris.
21 Un fradi al tradirà so fradi fin a la muart, e un pari so fì; i
fioj a si ribelaràn cuntra i so genitòus e a ju faràn murì.
Ducju i òmis a vi odiaràn par caua me, ma chej ca si
tegnaràn fuàrs fin a la fin a vegnaràn salvàs. Cuant chi
vegnèis perseguitàs ta un post, scjampait ta naltri post. I vi
dìs la veretàt: I no varèis finìt da viità duti li citàs di Israel
prima cal vegni il Fì dal Omp.
24Un studènt a nol è pì grant dal maestri, e nencja un servo
pì dal so paròn. A ghi basta al studènt di èsi coma il maestri,
e al servitòu coma il paròn. Se il capo da la cjaa al è stàt
clamàt Belzebù, cuant di pì alora i so familiàrs!
26Alora no stèit vej poura di lòu. A no è nuja di platàt ca nol
sarà rivelàt, o di platàt ca nol vegnarà manifestàt. Sè chi vi
dìs tal scur, dièjlu a la lus dal dì; e sè chi vi conti ta la orela,
zèit a predicjalu daj cops da li cjàis. No stèit vej poura di
chej ca còpin il cuarp ma ca no pòsin copà il spirit. Vèit
invensi poura di Chèl ca pòl copavi tant lanima che il cuarp
in tal infièr. Do pàsaris a no vègnini vendùdis par un schèj?
E pur nencja una da li dos a colarà in cjera sensa la volontàt
dal vustri Pari. E encja i cjavièj stes dal vustri cjaf a sòn
dùcjus contàs. Cussì no stèit vej poura; i valèis amondi di pì
sinò di tanti pàsaris.
32Cuj ca mi ricognòs davànt daj òmis i ricognosaràj encja jò
davànt di me Pari cal è tal cjel. Chèl che invensi a mi
rinegarà, i rinegaràj pur jò davànt di me Pari cal è tal cjel.
34No stèit pensà chi sedi vegnùt par partà la pas ta la cjera. I
no soj vegnùt par partà la pas, ma la spada. Parsè chi soj
vegnùt par meti
un omp cuntra so pari,
na fìja cuntra so mari,
na nuara cuntra la so madona
e i nemìs dal omp a saràn chej di cjaa so.
37Chèl cal ama so pari o so mari pì di me a nol è degnu di
me; cualsìasi ca ghi vòu ben a so fì o a so fìja pì di me a nol
è degnu di me; e ogni un ca nol cjoj sù la so cròus par
vignìmi davòu a nol è degnu di me. Cualsìasi cal cjata la so
vita a la pierdarà, e cualsìasi cal piert la so vita par me al
zarà a cjatala.
40 Cualsiasi cal risèif vuàltris, al risèif me, e chèl cal risèif
me, al risèif chel ca mi à mandàt me. Cualsìasi cal risèif un
profeta parsè cal è un profeta, al risevarà il premiu ca ghi
speta a un profeta; e cualsìasi cal risèif un omp just coma
omp just, al vegnarà ricompensàt coma cal vèn lomp just. E
se cualchidùn a ghi dà un got di aga a un di scju picinìns
parsè cal è un daj me disèpuj, i vi dìs la veretàt che par sigùr
a nol pierdarà la so ricompensa.