15Stèit atèns daj profès fals. A vi vègnin visìn vistìs da
piòris, ma dentri a sòn lùpos afamàs. Dal so frutàn i ju
cognosarèis. La zenta vaja a vendemà ùa daj spincs e a
tirà jù fics daj bars spinòus? Cussì ogni àrbul bon al dà
frutàn bon, ma un àrbul ca nol è bon al dà un frut ca nol è
bon. Un àrbul bon a nol pòl dà un frut trist, e un àrbul cal è
trist a nol pòl dà un frut bon. Ogni àrbul ca nol dà bon frutàn
al vèn tajàt jù e butàt tal fòuc. Duncja dal so frutàn i
podarèis cognosiu.
21No dùcjus chej ca mi dìin, Signòu, Signòu, al entrarà tal
regnu dal cjel, ma doma chèl cal fà il volèj dal Pari cal è tal
cjel. Tàncjus a mi diaràn ta chel dì, Signòu, Signòu, i no
vinu nu profetiàt in tal to nòn, e in tal to nòn butàt fòu i
demònis e fàt tancju miràcuj? Alora i ghi diaràj clar e net:
I no viai maj cognosùs. Zèit via di chì chi soj jò, zent
trista!
La Cjaa ta la Rocja. Il Levròus.
24Alora dùcjus chej ca scòltin li me peràulis e a li mètin in
pratica a sòn coma un omp saviu cal à costruìt la so cjaa ta
la rocja. La plòja a è vegnuda jù, li ròjs a sòn cresùdis, e il
vint al à soflàt fuart e sbatùt intòr di che cjaa; che però a no
è colàda parsè ca à li so fundamìntis ta la rocja. Ma dùcjus
chej ca sìntin sti peràulis mes e a no li mètin in pratica a sòn
coma un macaco cal à costruìt la so cjaa tal savolòn. La
ploja a è vegnuda jù, li ròjs a sòn cresùdis, e il vint al à tiràt
e sbatùt cuntra la cjaa, ca è colada jù e a si à fracasàt.
28Cuant che Gjeù al veva finìt di dii chisti ròbis, la zent a
era plena di maravèa paj so insegnamìns, parsè cal parlava
coma un plen di autoritàt, e no coma un mestri da la les.
8 Cuant cal è vegnùt jù da la montagna, tanta zent a ghi à
zùt davòu. Un levròus a si à fàt indavànt e, zenoglàt davànt
di luj, a ghi à dita: Signòu, se tu i ti sòs dispòst i ti pos
vuarimi.
3Gjeù al à metùt fòu la man e tocjàt il omp. I soj dispòst,
al à dita. Vuarìsiti! E a colp lomp a si à vuarìt da la so
levra. Dopo, Gjeù a ghi à dita: Vuarda di no diighilu a
nisùn. Adès và là dal predi e ufrìsighi il regàl che Moè al
veva comandàt, par che chèl a ghi sedi di testimoni.