7 No stèit gjudicà, o encja vuàltris i sarèis gjudicàs; che
in ta la stesa maniera chi gjudicàis chej àltris i sarèis
gjudicàs vuàltris stes; e cu la stesa miura chi uàis, i
vegnarèis miuràs vuàltris.
3Parsè i vuàrditu il gragnelùt di pòlvar tal vuli di to fradi
sensa fàjghi nisuna atensiòn al traf cal è tal to vuli? Coma i
fatu a dìighi a to fradi, Lasa chi ti tiri fòu chel gragnelùt
dal to vuli, cuant che tal to stes vuli al è un traf? Ipòcrit chi
ti sòs, prin tira fòu il traf dal to vuli, che dopo i ti jodaràs
benòn par podèj tirà fòu il gragnèl dal vuli di to fradi.
6No stèit dàjghi ai cjans sè ca è sacri; no stèit butàjghi li
vustri pèrlis ai pursìs. Si fèis cussì, lòu a pòsin pestasàlis sot
da li so talpis, e dopo voltasi cuntra di vuàltris e sbranavi.