25 Alora i vi dìs: no stèit davi pensèj pa la vustra vita, par
chèl chi vèis da mangjà e da bevi; o pal vustri cuarp, coma
chi farèis a vistilu. A no ee la vita pì importanta dal
mangjà, e il cuarp pì importànt daj vistìs? Vuardàit i usièj da
laria; chej a no semènin nè a cjàpin sù il racòlt, nè a mètin
via roba taj solàrs, e pur il vustri Pari cal è tal cjel a ghi dà
da mangjà. I no valèju tant di pì vuàltris che lòu? Cual di
vuàltris al rivaràja maj a zontàjghi na ora a la so vita cul dasi
pensej?
28E parsè i vi afanàju cussì tant paj vustri vistìs? Jodèit
coma ca crèsin i gìis daj cjamps. Lòu a no lavòrin e a no
fìlin. E pur i vi dìs che nencja Salomon cun dut il so
splendòu a nol zeva vistìt coma un di chiscju flòus. Se Diu
alora al vistìs cussì li èrbis dal cjamp, ca sòn chì vuèj e
domàn a vègnin butàdis tal fòuc, a no si rangjaràja tant mièj
a vistivi vuàltris, O zent di pucja fede? Cussì no stèit davi
pensèj, diìnt: Se varinu da mangjà? o Se chi bevarìn? o
pur Se vistìs i metarinu sù? A sòn i pagàns ca si preòcupin
di dùtis sti ròbis, ma il vustri Pari dal cjel al sà ben ca vi
ocòrin. Invensi zèit prima in sercja dal so regnu e da la so
gjustisia, e duti sti ròbis a vi saràn dàtis encja a vuàltris. E
duncja no stèit davi pensèj par domàn, che domàn a si
rangjarà da sè stes. Ogni dì a ni dà asàj da pensà.