K'matc Miktcitc wulithaso naka nit petcileyik. M'si nit'l
w't-awekewi-pawatm'n'l. Wespasa‛kiwik m'siu w'skitapyik
k'tonkatowuk. Kuloskapyil w'takinwetakol: "w'kwilwatonyatc tan
k't'li-kisi-kiminlokon." W'skinosis'k nikan-apaswuk naka Miktcitc asit
naka kalso. Kenok-lo seslakiu m'teaulinwitwiye; w'kweskwidcitwiyan
spikwio wunyak'nowak. Katama nimiyau naka molakek pemakwikek, nit
et'li-nepahat mūs'l. W't-atckwiman ak'mau‛tik; ketonlitcihi
pet-apasilit, tesakw'po mūsuk, et'li-w'tumat et'laskoyo‛tit.
Teke Kuloskap w'tiya: "wenetc nikaniu w'tci-muskesu m'si neke
kwenkiskak." Nit eli-petciyak; m'si-te akwami moskwithasoltowuk.
W'kislomanya w'nepahanya Miktcitcul naka wulukw'sul Kuloskapyil.
K'ti-madcahat Kuloskap, w'tiyokon tanetc elisoltiti‛tit: "amskowas-te-tc
m'totwatm'nya k'tci skwut; nit-etc kil k'tsiyakalkon; nidcalukw,
k'eliyan kulithasin; nil-etc nt-els'nwâk'n katamatc k'sikakw'siu.
Nit-etc w'tep-lotm'nya k'pisdcunlokon; nit k'lakaman: 'mosa nit
εleyitc.' Akwam-ketcli k'ti-'elokh'tinya; k'mikakaman; metc-tetc-lo
εleyu." Nit eli-h-itek-li petciye naka Miktcitc wulithaso;
w't-atyohewiktowan wulukw'sul.
* * * * *
Naka w'pakikalya w'kutsiyakanya naka w'kwulpitot naka wt-et'-lukw'sin,
maleyo na. Yut metamkelek skwut w'tokiyan; aptc wikatm'n piyusokol,
ip'dc'l teki t'pok. Aptc w'pakikalanya w'nustemya pis-dcuplan. Nit yaka
sikte-n'kadek w'tiyan: "mosak nit εleyinoketc. Kamet-up k'noktcektihinya
(k'nekakw'sinya) katik k'tcupakalinya?" Nit wedci kis'lotmo‛tit
w'matcyatckwimanya. Nit w'tcipkitakw'sin; ayut siki-mikaket;
w'ketcupskela epusi; moskaketakw penapskwul; ayut w'tcepsko tahalo
wunatminat. W'tepelanya ekwitnok; w'tepho-lanya epas-ak'm. Nit
et'li-tcowapake‛tit; w't-et'li-sakyanya elmi-nekemapmatit ketaphalit.
Wespasa‛kiwik wisk'late ke‛kw w'nimi‛tonya et'li-madcetotmowik k'tci
penapskwok, tamahal kwaptemin. Niswuk w'skinoswuk wik-wunemya ekwit'n;
milawisokinya w'natsakitonya ke‛kw's nit-ta pedci-sokititwesse. K'tci
m'nesapskwok emkwute sak-petun, nit Miktcitc elusit et'li-k'salsoket.
W'nimiya wetckoyalit; w'ketcitci‛ton w'nadci-wikweloko;
w't-atyohewiktowan, elmi-tcowapitepikw'neswa. Metc-te nit teke
et'lausit. Metc-te teke m'siu miktcitcuk nemiya‛tit wenil, nit-etc
w'tcowapitepikw'nesinya.
* * * * *