Aptc etutci-apkw'timutit; wikwam liwitasu "m'sita‛kw wen t‛lēwesto."
Nit na kwuni o-matce-putwuswinya. M'sīu putwuswin w't-uknutm'n
eli-pipyaks naka metc-matnuti‛tit; m'sīu eli-w'sikyoltoti‛tits
kwunipn'-ltim'k; nit-lo al-teketc tepnasko yotepithatosu naka
k'temakithaman w'tepitemowa w'tawasismowa naka mamatwikoltidcik;
medcimiu yok-li w'sikyasp'nik tahalo-te saklithat w'ski‛tap naka
m'tap'kwin. Nit m'sīu-mi t'lēwestoti‛tit, nit li-kislom'k w'tlitonya
k'tci lakalosnihak'n naka totciu oponm'nya epasiu k'tci wikwam
t'pakalosniu. Na w't'litonya epus; w'ponm'nya w'mitâ‛kwsow'l; nit wen
pelestowat nit etutc -eshemhut'm yut'l eyilidcil w'nidcan'l
t'pakalosniu. M'sī-te na w't-atcwiyik-setswaw'l naka na medcimiu
w'm'tutwatm'n w'ktci skwut, wa wedci-ska-nekasw'nuk. Yot wedci
madc'hak wapapi t'pask'-swāk'n'l.
* * * * *
Nit lakalosnihak'n'l et'li-nsetwasik sp'm'k nit
mawe-lakutwi-kislut-mewâk'n; m'sī-te kesikpesit w'skitcin newanko
k'sukmito, k'nok-lo k'tciyawi milidcpesw'. M'sī-te yokt'ke w'skitcinwuk
w't-atc'wi-elianya naka wikinya t'pakalosniu. T'ketc wen ke‛kw-li
waplelok't tciwi-semha; w'nikikow'l w't-esemhokol nit epus.
Kisi-mawetasiks nit-lo tane te‛po wikit t'pakalosniu tce-tciksitm'n'l
tan eyilīdcil tpask'swâk'n'l kesena esemha. Nit wikwam et'linsetwasik
t'pakalosniu hitmowiu m'sī-te k'sit w'skitcin kisita‛kw tcewi-li
sank'wi-p'mau‛so. Katama aptc tcika-wiyotoltiwun; tcewi-li p'mau‛sowuk
tahalo wesiwestoltīdcik witsekeso-toltīdcik o-pesw'n w'n'kikowu. Nit-lo
k'tcī skwut et'li-w'sitwasik wikwam'k hitmowiu m'si-te-ta wut
kiswitcita‛kw w'skitcin nitetc et'losi‛tit skwut'k w'lamantc skat aptc
t'keyi wipmeshonw'l. Nit-lo w'nikikow'l et'lin m'sit wut wikwam'k nit
k'tci sak'm Kanawak. Nit-te lakaloshîk'n naka epus hitmowiu wapapi
t'pask'swâk'n'l. Tan wut pelset'k tcewi-mawe-sakyaw'l et'li-nsetwodcik;
nit m'sike‛kw kisitpiyak.
* * * * *
Nit-te aptc o-matcelokh'tinya; h'n w'tlitonya aps'kikwil
w't'pask'-swâk'nw'l. M'sīu yut'l t'pask'swâk'n'l tcewi litasw'l wapapik,
wetcitc kiskitasik tan te‛po eli-kimwitpiyak elnokak; m'sitetc-yo naka
eli-milidcp'k'k wapap. Yot wapap elyot sakm'k naka m'tapekwinw'k naka
nipwultimkil; elokh-tim'k tan etutci metcinet sak'm naka eli-pusk'nut;
elim'takitmowatil m'sī-te w'skitcinwuk; w'lasikaudowi wapap; wikwamkewi
wapap, etc.
* * * * *