Helas doncques que doy je faire
Je craing dangier le mal parlant
Mon tresgrant ennemy contraire
Qu'il ne me rencontre en alant
En montant ou en devallant
Se je y voys c'est en ceste doubte
Mal asseur va qui ne voit goute
Conqueror est que mee justissima causa querelle
Cum sit consilii copia nulla michi
Pourtant doncques je me complains
A parmoy car en ma querelle
J'ay tresjuste cause de plains
Quant il n'y a celluy ne celle
Qui de conseil une estincelle
Me presente/ ou ayt presenté
Plainte n'est pas cry de santé