Pourtant donc que je n'ose dire
Ma douleur je suis en doubtance
Que l'ung dangier l'aultre ne tire
Et que je n'en aye habundance
J'ay de mon salut esperance
J'espoir reconfort a mon dueil
Mais ung mal jamais ne vient seul
Spero salutis opem nec medicina dabit.
L'esperance que j'ay d'avoir
Salut me donne aulcun confort
Mais si fault il faire debvoir
Au residu c'est du plusfort
Espoir est mon seul reconfort
Touteffois disent les subtilz
Qu'esperance paist les chetifz
Les considerations que pamphille fait devant que aler parler a galathee
et les moyens qu'il doit tenir et dit