La damoiselle

Sire chevalier je vous demande auquel des deux il convient plus grant

sens a l'amant/ ou a acquerre amours ou merci de sa dame: ou a garder

amours et merci quant la dame en a fait l'ottroy.

Le chevalier.

Damoiselle a garder amours et merci quant on en a l'ottroy. Car trop est

prez envie de dangier qui tousjours agaittent les amoureux pour les

surprendre et empeschier leurs deduis et plaisances.

La damoiselle.

Sire chevalier je vous demande laquele amour est plus durable et plus

aspre ou celle qui se fait de regard sans parler ou celle qui est ditte

de bouche.

Le chevalier.

Certainement damoiselle c'est celle que se fait de regard sans parler.

car les regars amoureux sont aspres et telement penetratis qu'il

perchent les cuers d'amans et d'amies.