[Sidenote: 1449 / MARCH 21]
Omnibus Christi fidelibus ad quos præsens scriptum pervenerit, Nos,
Willelmus May, Magister Novi Templi, London’, Johannes Bakton gentilman,
Thomas Parker, civis et cissor Londoni, et Johannes Osbern, salutem in
Domino sempiternam. Sciatis quod xxj. die Martij Anno Domini
mccccxlviij.[98.2] Edmundus Paston de comitatu Norff., armiger, in bona
memoria ac sana mente existens, languens in extremis, in nostra
præsentia, condidit et declaravit testamentum suum nuncupativum in hunc
modum:--In primis, legavit animam suam Deo Omnipotenti, Beatæ Mariæ
Virgini et omnibus Sanctis, corpusque suum ad sepeliendum in ecclesia
Templi prædicti, sive in ecclesia Fratrum Carmelitarum London’ [ad
electionem sui confessoris[98.3]]. Item dictus Edmundus, pro eo quod
noluit circa bona sive negocia temporalia mentem sive animam suam
affligere seu occupare, set ad æternam felicitatem se præparare, dedit,
legavit ac commisit omnia bona et catalla sua prædilecto fratri suo
Johanni Paston, ex magna confidencia in ipso habita ut ea disponeret pro
bono animæ suæ, prout melius videret Deo placere ac animæ suæ prodesse.
Et dictum Johannem Paston ordinavit et constituit executorem suum. In
cujus rei testimonum præsentibus sigilla nostra apposuimus.
_Endorsed_--Copia ultimæ voluntatis Edmundi Paston.
_Endorsed in a later hand_--Testamentum Edmundi Paston secundi filii
Willelmi Paston Justiciarii.
[Footnote 98.1: [From Paston MSS., B.M.]]
[Footnote 98.2: This is 1449 according to the modern
computation, which begins the year on the 1st of January instead
of the 25th March.]
[Footnote 98.3: These words are erased.]
86