_To my worshepfull husbond, John Paston, abidyng at Petyrhous in
Cambrigg._
[Sidenote: After 1440]
Ryth reverent and worsepful husbon, I recomawnde me to zow with alle myn
sympyl herte, and prey zow to wete that there come up xi. hundyr Flemyns
at Waxham, quereof wer takyn, and kylte, and dronchyn [_drowned_] viij.
hundryte. And thei had nowte a be, ze xul a be atte home this
Qwesontyde, and I suppose that ze xul be atte home er owte long be.
I thanke yow hertely for my lettyr, for I hadde none of zow syn I spooke
with zow last of for the matyr of Jon Mariot; the qwest passyd nowte of
that day, for my Lorde of Norfolke was in towne for Wedyrbys
matyr,[49.2] qwer for he wolde nowt latyd pase off, for further (?) of I
kowe [_know_?] Fynch ne Bylbys makethe no purwyans for hys gode.
No mor I wryte to zow atte this tyme, but the Holy Trenyte hawe zow in
kepyng. Wretyn in Norweche, on Trenyte Sune day.
Yowr,