Se apostol Andreas, aefter Cristes dhrowunge, ferde to dham lande the is
geh['a]ten Achaia, and dhaer bodade Drihtnes geleafan and middangeardes
alysednysse dhurh his dhrowunge. Tha wolde Egeas, sum waelhreow dema, his
bodunge adwaescan, and dha cristenan geneadian to dham deofellicum
biggengum. Andreas {588} him cwaedh to, "The gedafenode, nu dhu manna dema
eart, thaet thu oncneowe dhinne Deman, dhe on heofonum is, and hine
wurdhodest, sedhe is sodh God, and dhin m['o]d awendest fram dham leasum
godum." Egeas him andwyrde, "Eart dhu Andreas, the towyrpst ura goda
tempel, and tihtst dhis mennisce to dhaere ydelan l['a]re dhe Romanisce
ealdras awurpon, and adwaescan heton?" Andreas him andwyrde, "Romanisce
ealdras gyt ne oncneowon Godes sodhfaestnysse, h['u] Godes Sunu to mannum
c['o]m, and taehte thaet thas deofolgyld, the ge begadh, ne synd na godas,
ac synd dha wyrstan deoflu, manncynna fynd, dhe thaet mannum taecadh h['u]
hi dhone Aelmihtigan God gremion, and h['e] h['i] dhonne forl['ae]t, and se
deofol h['i] gebysmradh swa lange, odhthaet h['i] gewitadh of heora
lichaman scyldige and nacode, naht mid him ferigende buton synna anum."
Egeas cwaedh, "Thas synd ydele word. Witodlice dha eower Haelend dhas
w['o]rd bodade, tha gefaestnodon Iudei hine on rode gealgan." Andreas him
andwyrde, "Eala gif dhu witan woldest thaere halgan rode gerynu, mid h['u]
sceadwisre lufe manncynna Ealdor, for ure edstadhelunge thaere rode gealgan
underfeng, na geneadod, ac sylfwilles." Egeas saede, "H['u]meta segst dhu
sylfwilles, dhadha he waes belaewed, and be dhaera Iudeiscra bene, thurh
dhaes ealdormannes cempan ahangen?" Andreas andwyrde, "Fordhi ic cwaedh
sylfwilles, fordhan dhe ic waes samod mid him dhadha he fram his
leorning-cnihte belaewed waes, and h['e] on ['ae]r his dhrowunge us
fores['ae]de, and thaet he wolde on dham thriddan daege of deadhe arisan:
cwaedh thaet he haefde mihte his sawle to syllenne, and mihte h['i] eft to
onfonne." Egeas cwaedh, "Ic wundrige dhe snoterne wer, thaet dhu dhyssere
l['a]re fylian wylt, swa h['u] swa hit gewurde, sylfwilles odhdhe neadunge,
thaet h['e] on rode gefaestnod waere." Andreas him andwyrde, "Micel is
dhaere rode gerynu, dha ic dhe geopenige, gif dhu me gehyran wylt." Egeas
saede, "Hit ne maeg sodhlice beon ges['ae]d gerynu, ac wite." Andreas
cwaedh, "Thaet sylfe wite thu ongytst beon gerynu mancynnes {590}
edniwunge, gif dhu gedhyldelice me gehyran wylt." Egeas andwyrde, "Ic dhe
gedhyldelice gehyre, ac gif dhu me ne gehyrsumast, dhu scealt onfon dhaere
ylcan rode gerynu on dhe sylfum." Andreas him andwyrde, "Gif ic me ondrede
thaere rode gealgan, thonne nolde ic dhaere rode wuldor bodian." Egeas
saede, "Thin gewitlease spraec bodadh rode wite to wuldre, fordhan dhe dhu
thurh dyrstignysse the ne ondraetst deadhes wite." Andreas andwyrde, "Na
dhurh dyrstignysse, ac dhurh geleafan ic me ne ondraede deadhes wite.
Rihtwisra manna deadh is deorwyrdhe, and synfulra manna deadh is forcudh."
Egeas saede, "Buton dhu offrige l['a]c urum aelmihtigum godum, on dhaere
ylcan rode dhe dhu herast ic dhe hate gewaehtne afaestnian." Andreas him
cwaedh to, "Daeghwomlice ic offrige mine l['a]c dham Aelmihtigan Gode,
sedhe ana is sodh God. Na hlowendra fearra flaesc, odhdhe buccena bl['o]d,
ac ic offrige daeghwomlice on weofode thaere halgan rode thaet ungewemmede
lamb, and hit dhurhwunadh ansund and cucu sydhdhan eal folc his flaesc et,
and his bl['o]d drincdh." Egeas befr['a]n, "H['u] maeg thaet swa
gewurdhan?" Andreas him andwyrde, "Gif dhu leornian wille h['u] thaet
gewurdhan maege, thonne undernim dhu leorning-cnihtes h['i]w, thaet thu
dhas gerynu leornian maege." Egeas saede, "Ic wille mid tintregum aet dhe
ofgan dhises dhinges insiht." Se halga apostol andwyrde, "Ic wundrige
dhearle dhin, h['u]meta thu sy to swa micelre stuntnysse gehworfen, thaet
dhu wenst me for tintregum dhe geopenian dha godcundan gerynu. Thu
gehyrdest dhaere halgan offrunge gerynu; nu, gif dhu gelyfst thaet Crist,
Godes Sunu, sedhe waes on rode ahangen, sy sodh God, thonne geopenige ic
dhe h['u] thaet l['a]mb on his rice dhurhwunadh ansund and ungewemmed,
sydhdhan hit geoffrod bidh, and his flaesc geeten, and his bl['o]d
gedruncen. Gif dhu dhonne gelyfan nelt, ne becymst dhu naefre to insihte
thyssere sodhfaestnysse."
Hwaet dha, Egeas hine gebealh, and het sceofan thone apostol on sweartum
cwearterne. Thaer com dha micel menigu ealre dhaere scire to dham
cwearterne, and woldon Egeam acwellan, {592} and alaedan dhone apostol of
dham cwearterne. Dha cwaedh Andreas to ealre dhaere menigu, "Mine
gebrodhra, ne astyrige ge dhone stillan Drihten to aenigre yrsunge mid
eowerum anginne. Ure Haelend waes bel['ae]wed, and he haefde gedhyld: he ne
fl['a]t ne ne hrymde, ne n['a]n mann his stemne on straetum ne gehyrde.
Habbadh eow nu stilnysse and sibbe, and ne hremmadh minne martyrdom, ac
swidhor gearciadh eow sylfe swa swa Godes cempan, thaet ge mid ['u]nforhtum
m['o]de ealle dheowracan and lichamlice wita dhurh gedhyld oferswydhon. Gif
aenig ['o]ga is to ondraedenne, thonne is se to ondraedenne the naenne ende
naefdh. Witodlice mannes ege is smice gel['i]c, and hraedlice, thonne h['e]
astyred bidh, fordwindh. Tha s['a]rnyssa on dhyssere worulde odhdhe h['i]
sind leohte and acumenlice, odhdhe h['i] sind swaere, and hraedlice dha
sawle ['u]t adraefadh. Tha s['a]rnyssa dhe on dhaere towerdan worulde
yfelum gegearcode synd, tha beodh ece; dhaer bidh daeghwomlice w['o]p, and
wanung, and heofung, and endeleas cwylming, to dham on['e]t Egeas
unforwandodlice. Beodh swydhor gearwe to dham thaet ge dhurh hwilwendlice
gedreccednysse becumon to dham ecum gefean, thaer ge symle blissiadh,
blowende and mid Criste rixigende."
Thadha se apostol dhyllice word tham folce geond ealle tha niht laerde, dha
on daegrede sende Egeas to dham cwearterne, and het him laedan to thone
halgan apostol, and cwaedh, "Ic wende thaet thu on nihtlicere smeagunge
sceoldest dhin m['o]d fram dwaesnysse awendan, and geswican dhaere herunge
thines Cristes, thaet dhu mihtest mid ['u]s lifes gefean brucan. Dyslic
bidh thaet man sylfwilles to rode gealgan efste, and hine sylfne to
tintregum asende." Andreas andwyrde, "Blisse ic maeg mid the habban, gif
dhu on Crist gelyfst, and dhine deofolgild forlaetst. Crist me sende to
dhyssere scire, on dhaere ic him gestrynde unlytel folc." Egeas cwaedh,
"Fordhi ic dhreatige dhe to ura goda offrunge, thaet dhis folc dhe dhu
bepaehtest forleton dha idelnysse dhinre l['a]re, thaet h['i] urum godum
geoffrian magon dhancwurdhe onsaegednysse. Ne bel['a]f n['a]n ceaster on
eallum dhisum earde, on dhaere the naeron ure goda templa forlaetene, {594}
and nu sceal eft beon ge-edstadhelod ura goda biggeng dhurh dhe, thaet
h['i] magon beon [on] dhe gegladode, and dhu on urum freondscipe beon mage.
Gif dhu this nelt, dhonne scealt dhu, for ware ura goda, mislice wita
dhrowian, and sydhdhan on rode-gealgan, dhe dhu herodest, hangigende
ateorian." Se apostol him andwyrde, "Thu deadhes bearn, geh['y]r me, and
dhu ceaf, ecum ontendnyssum gegearcod, geh['y]r me, Godes dheowan, and
Haelendes Cristes apostol. Odh this ic spraec dhe lidhelice to, thaet thu
mid gesceade dhone sodhan geleafan oncneowe; ac nu dhu dhurhwunast on
dhinre sceamleaste, and wenst thaet ic sceole for dhinum dheowracum
forhtian. Swa hwaet swa dhe is gedhuht gyt m['a]re on tintregum asmea. Swa
micclum ic beo andfengra minum Cyninge, swa micclum swa ic for his naman on
tintregum mid andetnysse thurhwunige."
Tha h['e]t se redha cwellere hine astreccan, and hine seofon sidhon
beswingan; het hine sydhdhan araeran, and cwaedh him to, "Andreas, geh['y]r
me, and awend thinne r['ae]d for agotennysse thines blodes. Gif dhu swa ne
dest, ic do thaet thu losast on rode-gealgan." Se apostol andwyrde, "Ic eom
Cristes dheowa, and ic sceal his rode sigor swidhor wiscan dhonne
ondraedan. Thu sodhlice miht aetberstan tham ecum cwylmingum the dhe synd
gemynte, gif dhu on Crist gelyfst, sydhdhan dhu mine anraednysse
af['a]ndast. Ic me ondraede thin forwyrd, and ic for minre dhrowunge ne eom
gedrefed. Min dhrowung geendadh on ['a]num daege, odhdhe on twam, odhdhe be
dham maestan on thrim; sodhlice dhin cwylming ne maeg binnon dhusend geara
to ende gecuman. Fordhi, earming, ne ge['y]c dhu swidhor thine yrmdha, and
ne onael dhu dhe sylfum thaet ece fyr."
Hwaet dha, Egeas ge['ae]byligd h['e]t hine ah['o]n on rode-hencgene, and
bebead dham cwellerum thaet h['i] hine mid widhdhum handum and fotum on
thaere rode gebundon, thaet he langlice dhrowian sceolde. Tha ['a]rn thaet
cristen folc togeanes dham cwellerum dhe hine to thaere rode laeddon,
clypigende and cwedhende, {596} "Hwaet haefdh thes rihtwisa mann and Godes
freond gefremod, thaet h['e] rode-hengene wyrdhe sy?" Andreas sodhlice baed
thaet folc thaet h['i] his dhrowunge ne geletton. Eode him mid blidhum mode
faegnigende, and thaet folc l['ae]rende. He ofseah dha feorran dha rode the
him gegearcod waes, and clypode mid micelre stemne, dhus cwedhende, "H['a]l
sy dhu, r['o]d, the on Cristes lichaman gehalgod waere, and mid his limum
gefraetwod, swa swa mid meregrotum. Thu haefdest eordhlicne ege, aerdhan
dhe ure Drihten the astige; nu dhu haefst heofonlice lufe, and byst astigen
for behate. Orsorh and blissigende ic cume to dhe, swa thaet dhu me
blissigende underf['o], dhaes leorning-cniht dhe on dhe hangode, fordhan
dhe ic the symle lufode, and ic gewilnode dhe to ymbclyppenne. Eala dhu
g['o]de rod, the wlite and faegernysse of Drihtnes lymum underfenge, dhu
waere gefyrn gewilnod and carfullice gelufod, butan to-forlaetennysse
gesoht, and nu aet nextan minum wilnigendum mode gegearcod. Onfoh me fram
mannum, and ag['i]f me minum L['a]reowe, thaet he dhurh dhe me underfo,
sedhe thurh dhe me alysde."
Aefter dhisum wordum he hine unscrydde, and tham cwellerum his gew['ae]da
betaehte. H['i] dha genealaehton, and hine on dhaere rode ah['o]fon, and
ealne his lichaman mid stearcum widhdhum, swa swa him beboden waes,
gewridhon. Thaer stodon dha m['a] thonne twentig dhusend manna mid Egeas
bredher, samod clypigende, "Unriht wisdom, thaet se halga wer swa
dhrowode." Se halga Andreas sodhlice of dhaere rode gehyrte dhaera
geleaffulra manna m['o]d, tihtende to hwilwendlicum gedhylde, secgende
thaet theos sceorte throwung nis to widhmetenne tham ecan edleane.
Tha betwux dhisum eode eall thaet folc to Egeas botle, ealle samod
clypigende and cwedhende, thaet swa halig wer hangian ne sceolde; sidefull
mann, and mid theawum gefraetwod, aedhele l['a]reow, arfaest and ged['e]fe,
gesceadwis and s['y]fre ne sceolde swa dhrowian, ac sceolde beon alysed
lybbende of dhaere rode; fordhan dhe he ne geswicdh sodh to bodigenne, nu
twegen dagas cucu hangigende. Hwaet dha, Egeas him ondred dha menigu, {598}
and beh['e]t thaet h['e] wolde hine alysan, swa swa h['i] gewilnodon, and
eode fordh mid. Tha befr['a]n se apostol, mid tham dhe he hine geseah,
"Hwaet nu, Egeas, hw['i] come dhu to us? Gif dhu wylt gelyfan gyt on dhone
Haelend, the bidh gemiltsod, swa swa ic dhe beh['e]t. Gif dhu to dhi come
thaet thu me alyse, nelle ic beon alysed lybbende heonon. Nu ic geare geseo
minne sodhan Cyning; ic stande on his gesihdhe to him me gebiddende. Dhin
me ofhrywdh, and thinre yrmdhe, fordhan dhe th['i]n andbidadh thaet ['e]ce
forwyrd. Efst nu, earming, tha hw['i]le dhe dhu aenig dhing miht, dhe-laes
dhe dhu wille thonne dhe forwyrned bidh." Tha woldon hi hine alysan, ac
heora handa astifedon, swa hw['a] swa hreopode tha rode mid handum. Tha
clypode se apostol to Haelendum Criste mid ormaetre stemne, thus biddende,
"Min g['o]da L['a]reow, ne l['ae]t dhu me alysan, buton thu underf['o] aer
minne gast."
Aefter dhisum wordum weardh gesewen leoht micel of heofonum faerlice
cumende to dham apostole, and hine ealne ymbsce['a]n, swa thaet mennisce
eagan hine ne mihton ges['e]on, for dham heofonlican leohte dhe hine
befeng. Thaet leoht dhurhwunode swa for nean ane tide, and Andreas ageaf
his gast on dham leohte, and ferde to Criste samod mid tham leoman, tham is
['a] wuldor geond ealle woruld.
Egeas weardh gelaeht fram atelicum deofle hamwerd be wege, aerdhan dhe
h['e] to h['u]se come, and h['e] dhearle awedde, aworpen to eordhan on
manna gesihdhe the him mid eodon. He gew['a]t dha of worulde waelhreow to
helle, and his brodhor heold thaes halgan Andreas l['i]c mid micelre
arwurdhnysse, thaet h['e] aetwindan moste. Swa micel ['o]ga asprang ofer
eallum dham mennisce, thaet dhaer n['a]n ne bel['a]f dhe ne gelyfde on God.
Thas dhrowunge awriton thaere dheode preostas and dha ylcan diaconas dhe
hit eal gesawon, dhy-laes the hwam twynige thyssere gereccednysse. Uton nu
biddan dhone Aelmihtigan Wealdend, thaet his eadiga apostol ure dhingere
beo, swa swa h['e] wunode his geladhunge bydel. Sy dham Metodan Drihtne
wurthmynt and l['o]f ['a] on ecnysse. Amen we cwedhadh.