Ambulans Iesus juxta mare Galileae: et reliqua.
Crist on sumere tide ferde widh thaere Galileiscan s['ae], and geseah
twegen gebrodhra, Simonem, se waes gec['i]ged Petrus, and his brodhor
Andream: et reliqua.
Swa swa h['i] ['ae]r mid nette fixodon on s['ae]licum ydhum, swa dyde Crist
thaet h['i] sidhdhan mid his heofonlican l['a]re manna sawla gefixodon;
fordhan dhe h['i] aetbrudon folces menn fram flaesclicum lustum, and fram
woruldlicum gedwyldum to stadholfaestnysse lybbendra eordhan, thaet is to
dham ecan edhle, be dham cwaedh se witega thurh Godes Gast, "Ic asende mine
fisceras, and h['i] gefixiadh h['i]; mine huntan, and h['i] huntiadh h['i]
of aelcere dune and of aelcere hylle." Fisceras and ungetogene menn geceas
Drihten him to leorning-cnihtum, and h['i] swa geteah, thaet heora l['a]r
oferst['a]h ealne woruld-wisdom, and h['i] mid heora bodunge caseras and
cyningas to sodhum {578} geleafan gebigdon. Gif se Haelend gecure aet
fruman getinge l['a]reowas, and woruldlice udhwitan, and dhyllice to
bodigenne sende, thonne waere gedhuht swilce se sodha geleafa ne asprunge
dhurh Godes mihte, ac of woruldlicere getingnysse. He geceas fisceras
['ae]rdhan dhe h['e] cure caseras, fordhan dhe betere is thaet se casere,
thonne h['e] to Romebyrig becymdh, thaet he wurpe his cynehelm, and
gecneowige aet dhaes fisceres gemynde, thonne se fiscere cneowige aet thaes
caseres gemynde. Caseras h['e] geceas, ac dheah h['e] geendebyrde thone
unspedigan fiscere aetforan dham rican casere. Eft sidhdhan h['e] geceas
dha welegan; ac him waere gedhuht swilce h['i] gecorene waeron for heora
aehtum, gif h['e] ['ae]r ne gecure thearfan. H['e] geceas sidhdhan
woruldlice udhwitan, ac h['i] modegodon, gif he ['ae]r ne gecure tha
ungetogenan fisceras.
Smeagadh nu h['u] Drihten mancynne aetbraed wuldor, thaet h['e] him wuldor
forgeafe. H['e] aetbraed ['u]s ure idele wuldor, thaet h['e] us thaet ece
forgeafe. Ne scealt dhu on dhe silfum wuldrian, ac, swa swa se apostol
cwaedh, "Se dhe wuldrige wuldrige on Gode."
Petrus and Andreas, be Cristes haese, dhaerrihte forleton heora nett, and
him fyligdon. Ne gesawon h['i] dha-gyt hine aenige wundra wyrcan, ne h['i]
naht ne gehyrdon dha-gyt aet his mudhe be m['e]de thaes ecan edleanes, and
h['i] dheah, aefter stemne anre haese, thaet thaet hi haefdon forgeaton.
Fela Godes wundra we habbadh gehyred and eac gesewene; mid manegum
swingelum gel['o]me we sind geswencte, and mid menigfealdum dheowracena
teartnyssum gebregede, and swa-dheah we forseodh Godes haese, and him to
l['i]fes wege fylian nelladh. Nu h['e] sitt on heofonum, mid thaere
menniscnysse gescrydd the h['e] on dhisum l['i]fe gefette, and mynegadh
['u]s be ure gecyrrednysse, thaet we ure dheawas fram leahtrum symle
claension, and be his bebodum gerihtlaecon. Eallunga h['e] underdheodde
dheoda swuran his geoce, h['e] astrehte middangeardes wuldor, and mid
gelomlaecendum hryrum nealaecunge his strecan domes geswuteladh, and
swa-dheah ure modige m['o]d nele sylfwilles {580} forlaetan thaet thaet hit
daeghwomlice forlyst neadunge. Mine gebrodhra, hwilcere tale mage we brucan
on his dome, nu we nelladh bugan fram dhyssere andweardan woruld-lufe,
thurh his beboda, ne we ne synd thurh his swingla gerihtlaehte.
W['e]n is thaet eower sum cwedhe to him sylfum on stillum gedhohtum, Hwaet
forleton has gebrodhru, Petrus and Andreas, the for nean n['a]n dhing
naefdon? ac we sceolon on thisum dhinge heora gewilnunge swidhor asmeagan
thonne heora gestreon. Micel forlaet se dhe him sylfum n['a]n dhing ne
gehylt. Witodlice we healdadh ure aehta mid micelre lufe, and dha dhing the
we nabbadh we secadh mid ormaetre gewilnunge. Micel forl['e]t Petrus and
Andreas, dhadha heora aegdher thone willan to haebbenne eallunga forl['e]t,
and agenum lustum widhs['o]c. Cwydh nu sum mann, Ic wolde geefenlaecan tham
apostolum, the ealle woruld-dhing forsawon, ac ic naebbe n['a]ne aehta to
forlaetenne. Ac God sceawadh thaes mannes heortan, and na his aehta. Ne
h['e] ne teldh h['u] miccle speda we on his lacum aspendon, ac cepdh mid
h['u] micelre gewilnunge we dha l['a]c him geoffrion. Efne nu thas halgan
c['y]pan, Petrus and Andreas, mid heora nettum and scipe him thaet ece
l['i]f geceapodon.
Naefdh Godes rice n['a]nes wurdhes lofunge, ac bidh gelofod be dhaes mannes
haefene. Heofonan rice waes alaeten thisum foresaedum gebrodhrum for heora
nette and scipe, and eft sydhdhan dham rican Zache['o] to healfum daele his
aehta, and sumere wudewan to ['a]num feordhlinge, and sumum menn to anum
waeteres drence. Ic wene thaet thas word ne sind eow full cudhe, gif we
h['i] openlicor eow ne onwreodh. "Zach['e]us waes sum rice mann, and cepte
thaes Haelendes faer, and wolde geseon hwilc h['e] waere; ac he ne mihte
for dhaere menigu dhe him mid ferde, fordhan dhe h['e] waes scort on
waestme. Tha for['a]rn h['e] dham Haelende, and stah uppon an treow, thaet
he hine geseon mihte. Crist dha beseah upp widh thaes rican, and cwaedh,
Zach['e]e, st['i]h ardlice ad['u]n, fordhan dhe me gedafenadh thaet ic nu
to-daeg the gecyrre. Zach['e]us dha swyftlice of dham treowe alihte, and
hine blissigende underfeng." Thadha Zach['e]us Crist {582} geladhod haefde,
dha ast['o]d he aetforan him, and him anmodlice to cwaedh, "Drihten, efne
ic todaele healfne d['ae]l minra g['o]da dhearfum, and swa hwaet swa ic mid
f['a]cne berypte, thaet ic wylle be feowerfealdum forgyldan." Drihten him
to cwaedh, "Nu to-daeg is dhisum hirede hael gefremmed, fordhan dhe he is
Abrahames ofspring. Ic com to secenne and to gehaelenne thaet the on
mancynne losode." Tha haefde Zacheus beceapod heofonan rice mid healfum
d['ae]le his aehta: dhone otherne dael he heold to dhy thaet h['e] wolde
tham be feowerfealdum forgyldan, the h['e] ['ae]r unrihtlice bereafode.
Eft, "Aet sumum saele gesaet se Haelend binnan dham temple on Hierusalem,
aetforan dham madhm-huse, and beheold h['u] thaet folc heora aelmyssan
wurpon into dham madhm-huse, and dha fela rican brohton micele dhing. Tha
com dhaer an earm wudewe, and geoffrode Gode aenne feordhling. Drihten dha
cwaedh to his leorning-cnihtum, Ic secge eow to sodhan, thaet theos earme
wydewe brohte maran l['a]c thonne aenig dhyssera riccra manna. H['i] ealle
sealdon thone dael heora speda the him gedhuhte, ac dheos wydewe ealne hire
bigleofan mid estfullum mode geoffrode." Tha haefde seo earme wudewe mid
lytlum feo, thaet is, mid ['a]num feordhlinge, thaet ece l['i]f geceapod.
Se Haelend cwaedh on sumere stowe to his apostolum, "Sodh ic eow secge, Swa
hw['a] swa syldh ceald waeter drincan anum thurstigan menn dhaera dhe on me
gelyfadh, ne bidh his m['e]d forloren." Mine gebrodhra, scrutniadh nu dha
mid h['u] w['a]clicum wurdhe Godes rice bidh geboht, and h['u] deorwurdhe
hit is to geagenne. Se ceap ne maeg widh n['a]num sceatte beon geeht, ac
h['e] bidh aelcum men gelofod be his agenre h['ae]fene.
We raedadh on Cristes acennednysse thaet heofonlice englas waeron gesewene
bufan dham acennedan cilde, and h['i] dhisne l['o]fsang mid micclum dreame
gesungon, "Gloria in excelsis Deo, and in terra pax hominibus bone
uoluntatis:" thaet is on urum gereorde, "Sy wuldor Gode on heannyssum, and
on eordhan sibb dham mannum dhe synd g['o]des willan." Ne {584} bidh n['a]n
l['a]c Gode swa gecweme swa se g['o]da willa. Gif hw['a] ne mage dhurhteon
tha speda thaet h['e] gesewenlice l['a]c Gode offrige, h['e] offrige dha
ungesewenlican, thaet is, se g['o]da willa, the dha eordhlican sceattas
['u]nwidhmetenlice oferstihdh. Hwaet is g['o]d willa buton g['o]dnys, thaet
he odhres mannes ungelimp besargige, and on his gesundfulnysse faegnige,
his freond na for middangearde, ac for gode lufige; his feond mid lufe
forberan, n['a]num gebeodan thaet him sylfum ne licige, his nextan neode be
his mihte gehelpan, and ofer his mihte wyllan? Hwaet is aenig l['a]c widh
thisum willan, dhonne seo sawul h['i] sylfe Gode geoffradh on weofode hire
heortan? Be dhisum cwaedh se sealm-scop, "In me sunt, Deus, uota tua, quae
reddam laudationes tibi:" "God Aelmihtig, on me synd thine beh['a]t, tha ic
dhe forgylde dhurh h['e]runga." Swilce h['e] openlice cwaede, Theah dhe ic
naebbe dha uttran l['a]c dhe to offrigenne, ic gem['e]te swa-theah on me
sylfum hwaet ic lecge on weofode thinre herunge; fordhan dha thu ne leofast
be ['u]re sylene, ac dhu bist swidhor gegladod on offrunge ure heortan. Ne
maeg dheos offrung beon on dhaere heortan dhe mid gytsunge odhdhe ['a]ndan
gebysgod bidh, fordhan dhe h['i] dhwyriadh widh thone g['o]dan willan, and
swa hradhe swa h['i] thaet m['o]d hreppadh, swa gewit se g['o]da willa:
fordhi noldon tha halgan bydelas n['a]n dhing on dhyssere worulde mid
gitsunge gewilnian, ne n['a]ne synderlice aehta habban, to dhy thaet h['i]
mihton butan ['a]ndan inweardlice him betwynan lufian.
Witodlice dhas apostolas geseah se witega Isaias towearde, dhadha he thurh
Godes Gast cwaedh, "Hwaet sind thas the her fleogadh swa swa wolcnu, and
swa swa culfran to heora eh-dhyrlum?" Se witega h['i] geseah dha eordhlican
haefene forseon, and mid heora mode heofonum genealaecan, and on lifes
wordum genihtsumian, on wundrum sc['i]nan, and gec['i]gde h['i] culfran,
and fleogende wolcnu. Ure eh-dhyrla sind ure eagan, thurh dha besceawadh
ure sawul swa hwaet swa heo widhutan gewilnadh. Culfre is bilewite nyten,
and fram geallan biternysse aelfremed. Sodhlice dha halgan apostolas waeron
swilce {586} culfran aet heora eh-dhyrlum, dhadha h['i] n['a]n dhing on
thisum middangearde ne gewilnodon, ac h['i] ealle dhing bilewitlice
sceawodon, and naeron mid gecnyrdnysse aeniges reaflaces getogene to dham
dhe hi widhutan sceawodon. Se dhe thurh reaflac gewilnadh dha dhing the
h['e] mid his eagum widhutan sceawadh, se is glida, na culfre aet his
eh-dhyrlum.
We habbadh nu dhyses godspelles traht be daele oferurnen, nu wylle we eow
secgan dha get['a]cnunge dhaera feowera apostola namena, the Crist aet
fruman geceas. Eornostlice Simon is gereht 'gehyrsum,' and Petrus
'oncnawende,' Andreas 'dhegenlic,' Iacob is gecweden 'forscrencend,' and
Iohannes 'Godes gifu:' thas get['a]cnunge sceal gehwilc cristen mann on his
drohtnunge eallunga healdan. Petrus waes gec['i]ged Simon ['ae]r his
gecyrrednysse, ac Crist hine gehet Petrus, thaet get['a]cnadh,
'oncnawende,' fordhan dhe he oncneow Crist mid sodhum geleafan, thadha he
cwaedh, "thu eart Crist, dhaes lifigendan Godes Sunu." Untwylice se dhe God
rihtlice oncnaewdh, and him gehyrsumadh, he hylt on his drohtnunge thyssera
twegra namena get['a]cnunge. Gif he dhegenlice, for Godes naman,
earfodhnysse forberdh, and werlice deofles costnungum widhstent, dhonne
gefyldh h['e] on his dheawum Andrees get['a]cnunge, the is gereht
'dhegenlic.' Iacob is gecweden 'forscrencend,' and se bidh unleas
forscrencend, the mid gleawnysse his flaesclican leahtras, and deofles
tihtinge forscrencdh. Iohannes is gecweden 'Godes gifu.' Se bidh gelimplice
Godes gifu gec['i]ged, the dhurh g['o]de geearnunga Godes gife begyt, to
dhi thaet h['e] his beboda geornlice gefylle.