Ibat Iesus in ciuitatem quae uocatur Naim: et reliqua.
Ure Drihten ferde to sumere byrig seo is geh['a]ten Naim, and his gingran
samod, and genihtsum menigu. Thadha he genealaehte tham port-geate, tha
ferede man anes cnihtes l['i]c to byrgene: et reliqua.
Beda se trahtnere cwaedh, thaet seo burh Naim is gereht, {492} 'ydhung'
odhdhe 'styrung.' Se deada cniht, dhe on manegra manna gesihdhe waes
geferod, get['a]cnadh gehwylcne synfulne mannan the bidh mid healicum
leahtrum on dham inran menn adydd, and bidh his yfelnys mannum cudh. Se
cniht waes ['a]ncenned sunu his meder, swa bidh eac gehwilc cristen man
gastlice dhaere halgan geladhunge sunu, seo is ure ealra modor, and
dheah-hwaedhere ungewemmed maeden; fordhan dhe hire team nis n['a]
lichamlic ac gastlic. Gehwilc Godes dheow, thonne he leornadh, he bidh
bearn gecweden: eft, thonne he odherne laerdh, he bidh modor, swa swa se
apostol Paulus be dham aslidenum mannum cwaedh, "Ge synd mine bearn, dha
dhe ic nu odhre sidhe geeacnige, odhthaet Crist beo on eow geedn['i]wod."
Thaet port-geat get['a]cnadh sum lichamlic andgit the menn dhurh syngiadh.
Se mann dhe tosaewdh ungethwaernysse betwux cristenum mannum, odhdhe sedhe
sprecdh unrihtwisnysse on heannysse dhurh his mudhes geat, he bidh dead
geferod. Se dhe behylt wimman mid galre gesihdhe and fulum luste, dhurh his
eagena geat, h['e] geswuteladh his sawle deadh. Se dhe idele spellunge,
odhdhe t['a]llice word lustlice gehyrdh, thonne macadh h['e] his eare him
sylfum to deadhes geate. Swa is eac be dham odhrum andgitum to
understandenne.
Se Haelend weardh astyred mid mildheortnysse ofer dhaere meder, thaet he us
bysene sealde his arfaestnysse; and he dhone deadan sydhdhan araerde, thaet
he us to his geleafan getrymede. He genealaehte and hreopode tha b['ae]re,
and tha b['ae]rmenn aetstodon. Seo b['ae]r dhe thone deadan ferode is thaet
orsorge ingehyd thaes orwenan synfullan. Sodhlice dha byrdheras, dhe hine
to byrgenne feredon, synd olaecunga lyffetyndra geferena, the mid olaecunge
and geaettredum swaesnyssum thone synfullan tihtadh and heriadh, swa swa se
w['i]tega cwaedh, "Se synfulla bidh geherod on his lustum, and se
unrihtwisa bidh gebletsod: thonne he bidh mid idelum hlisan and lyffetungum
bef['a]ngen, thonne bidh hit swylce he sy mid sumere mold-hypan ofhroren."
Be swylcum cwaedh se Haelend to ['a]num his gecorenan, dhadha h['e] wolde
his faeder l['i]c bebyrian: he cwaedh, "Gedhafa thaet dha {494} deadan
bebyrion heora deadan: far dhu, and boda Godes rice." Witodlice dha deadan
bebyriadh odhre deadan, thonne gehwilce synfulle menn odhre heora
gel['i]can mid derigendlicere herunge ge['o]laecadh, and mid gegaderodum
hefe thaere wyrstan lyffetunge ofdhriccadh. Be swylcum is gecweden on odhre
stowe, "Lyffetyndra tungan gewridhadh manna sawla on synnum."
Mid tham dhe Drihten hrepode dha baere, dha aetstodon tha b['ae]rmenn. Swa
eac, gif dhaes synfullan ingehyd bidh gehrepod mid fyrhte thaes upplican
domes, thonne widhhaefdh he dham unlustum and dham leasum lyffeterum, and
clypigendum Drihtne to dham ecan life c['a]flice geandwyrt, swylce he of
deadhe arise. Drihten cwaedh to dham cnihte, "Ic secge dhe, Aris, and he
dhaerrihte ges['ae]t and spraec, and se Haelend betaehte hine his meder."
Se ge-edcucoda sitt, thonne se synfulla mid godcundre onbryrdnysse cucadh.
He sprecdh, thonne he mid Godes herungum his mudh gebysgadh, and mid sodhre
andetnysse Godes mildheortnysse secth. He bidh his meder betaeht, thonne he
bidh thurh sacerda ealdord['o]m gem['ae]nscipe dhaere halgan geladhunge
geferlaeht. Thaet folc weardh mid micclum ege ablicged; fordhan swa swa
mann fram marum synnum gecyrdh to Godes mildheortnysse, and his dheawas
aefter Godes bebodum gerihtlaecdh, swa m['a] manna beodh gecyrrede dhurh
his gebysnunge to Godes herunge.
Thaet folc cwaedh thaet maere witega ar['a]s betwux ['u]s, and thaet God
his folc geneosode. Sodh h['i] saedon be Criste, thaet he maere witega is;
ac he is witegena Witega, and heora ealra witegung; fordhan dhe ealle be
him witegodon, and he dhurh his to-cyme heora ealra witegunge gefylde. We
cwedhadh nu mid maran geleafan, thaet he is maere witega, fordhan dhe he
w['a]t ealle dhing, and eac fela witegode, and he is sodh God of sodhum
Gode, Aelmihtig Sunu of dham Aelmihtigan Faeder, sedhe his folc geneosode
thurh his menniscnysse, and fram deofles dheowte alysde.
We raedadh gehwaer on bocum, thaet se Haelend fela deade to l['i]fe
araerde, ac dheah-hwaedhere nis n['a]n godspell gesett be {496} heora nanum
buton dhrim anum. An is thes cniht the we nu embe spraecon, odher waes anes
ealdormannes dohtor, thridde waes Lazarus, Marthan brodher and Marian.
Thyssera dhreora manna aerist get['a]cnadh thaet dhryfealde aerist
synfullra sawla. Thaere sawle deadh is threora cynna: ['a]n is yfel
gedhafung, odher is yfel weorc, dhridda is yfel gewuna. Dhaes ealdormannes
dohtor laeig aet fordhsidhe, and se faeder geladhode dhone Haelend thaerto,
fordhan dhe he waes on dham timan thaer on neawiste. Heo dha fordhferde
aerdhan dhe he hire to come. Thadha he com, dha genam h['e] h['i] be dhaere
h['a]nda, and cwaedh, "Thu maeden, ic secge dhe, Ar['i]s. And heo
dhaerrihte ar['a]s, and metes baed."
This maeden dhe inne laeg on deadhe geswefod, get['a]cnadh thaere synfullan
sawle deadh, dhe gelustfulladh on yfelum lustum digellice, and ne bidh gyt
mannum cudh, thaet heo thurh synna dead is; ac Crist geswutelode thaet
h['e] wolde swa synfulle sawle gel['i]ffaestan, gif h['e] mid geornfullum
gebedum to geladhod bidh, thadha he araerde thaet maeden binnan dham huse,
swa swa digelne leahter on menniscre heortan lutigende. Nu syndon odhre
synfulle the gelustfulliadh on derigendlicum lustum mid gedhafunge, and eac
heora yfelnysse mid weorcum cydhadh; swilce get['a]cnode se deada cniht,
dhe waes on thaes folces gesihdhe gef['e]rod. Swilce synfulle araerdh
Crist, gif h['i] heora synna behreowsiadh, and betaecdh h['i] heora meder,
thaet is, thaet he hi geferlaecdh on annysse his geladhunge.
Sume synfulle men gedhafiadh heora lustum, and dhurh yfele daeda mannum
cydhadh heora synna, and eac gewunelice syngigende h['i] sylfe gewemmadh:
thyllice get['a]cnode Lazarus, the laeg on byrgene feower niht fule
stincende. Witodlice Godes nama is Aelmihtig, fordhan dhe h['e] maeg ealle
dhing gefremman. He maeg dha synfullan sawle dhurh his gife geliffaestan,
dheah dhe heo on gewunelicum synnum fule stince, gif heo mid carfulre
drohtnunge Godes mildheortnysse secdh; ac swa mare wund swa heo maran
laecedomes beh['o]fadh. Thaet geswutelode se Haelend, thatha h['e] mid
leohtlicere stemne thaet maeden araerde {498} on feawra manna gesihdhe;
fordhan dhe h['e] ne gedhafode thaet dhaera m['a] manna inne waere, buton
se faeder, and seo modor, and his dhry leorning-cnihtas: and he cwaedh dha,
"Thu maeden, Ar['i]s."
Swa bidh eac se digla deadh dhaere sawle eathelicor to ar['ae]renne, the on
gedhafunge digelice syngadh, thonne synd dha openan leahtras to gehaelenne.
Thone cniht he araerde on ealles folces gesihdhe, and mid thysum wordum
getrymede, "Thu cniht, ic secge dhe, Ar['i]s." Tha diglan gyltas man sceal
digelice betan, and dha openan openlice, thaet dha beon getimbrode thurh
his behreowsunge, dhe ['ae]r waeron thurh his m['a]ndaeda geaeswicode.
Drihten dhadha he Lazarum stincendne araerde, dha gedrefde he hine sylfne,
and tearas ageat, and mid micelre stemne clypode, "Lazare, ga fordh:" dha
he geswutelode thaet se dhe swidhe langlice and gewunelice syngode, thaet
he eac mid micelre behreowsunge and wope sceal his yfelan gewunan to Godes
rihtwisnysse gew['e]man. Nis n['a]n synn swa micel thaet man ne maege
geb['e]tan, gif he mid inneweardre heortan be dhaes gyltes maedhe on sodhre
d['ae]dbote thurhwunadh. Is theah-hwaedhere micel smeagung be anum worde
the Crist cwaedh: he cwaedh, "Aelc synn and t['a]l bidh forg['i]fen
behreowsigendum mannum, ac thaes Halgan Gastes t['a]l ne bidh naefre
forg['i]fen. Theah dhe hw['a] cwedhe t['a]llic word ongean me, him bidh
forg['i]fen, gif he dedh d['ae]dbote; sodhlice se dhe cwedh word ongan
dhone Halgan Gast, ne bidh hit him forg['i]fen on dhyssere worulde, ne on
dhaere towerdan." Nis n['a]n synna forg['i]fenys buton dhurh dhone Halgan
Gast. An Aelmihtig Faeder is, se gestrynde aenne Sunu of him sylfum. Nis se
Faeder gehaefd gemaenelice Faeder fram dham Suna and tham Halgan Gaste,
fordhan dhe h['e] nis heora begra sunu. Se Halga Gast sodhlice is
gemaenelice gehaefd fram dham Faeder and tham Suna, fordhan dhe h['e] is
heora begra Gast, thaet is heora begra Lufu and Willa, thurh dhone beodh
synna forgyfene. Witodlice dhaere Halgan Dhrynnysse weorc is aefre
untodaeledlic, theah-hwaedhere {500} belimpdh aelc forg['i]fenys to dham
Halgan Gaste, swa swa seo acennednys belimpdh to Criste ['a]num.
H['i] ne magon beon togaedere genemnede, Faeder, and Sunu, and Halig Gast,
ac h['i] ne beodh mid aenigum faece fram him sylfum awar totwaemede. On
eallum weorcum h['i] beodh togaedere, theah dhe to dham Faeder synderlice
belimpe thaet he Bearn gestrynde, and to dham Suna belimpe seo acennednys,
and to tham Halgan Gaste seo fordhstaeppung. Se Sunu is dhaes Faeder Wisdom
aefre of dham Faeder acenned; se Halga Gast nis na acenned, fordhan dhe he
nis na sunu, ac he is heora begra Lufu and Willa, aefre of him b['a]m
fordhstaeppende, thurh dhone we habbadh synna forgyfenysse, swa swa we
habbadh thurh Crist alysednysse; and theah-hwaedhere on aegdhrum weorce is
seo Halige Thrynnys wyrcende untodaeledlice.
Se cwydh t['a]l ongean dhone Halgan Gast, sedhe mid unbehreowsigendre
heortan thurhwunadh on m['a]ndaedum, and forsihdh tha forgyfenysse dhe
stent on dhaes Halgan Gastes gife: thonne bidh his scyld unalysendlic,
fordhan dhe he sylf him belicdh thaere forg['i]fenysse weg mid his
heardheortnysse. Behreowsigendum bidh forg['i]fen, forseondum naefre. Uton
we biddan thone Aelmihtigan Faeder, sedhe us thurh his wisdom geworhte, and
thurh his Halgan Gast geliffaeste, thaet he dhurh dhone ylcan Gast us do
ure synna forgyfenysse, swa swa he us dhurh his aenne ['a]ncennedan Sunu
fram deofles dheowte alysde.
Sy lof and wuldor tham ecan Faeder, sedhe naefre ne ongann, and his ['a]num
Bearne, sedhe aefre of him is, and tham Halgan Gaste, sedhe aefre is of him
b['a]m, hi dhry ['a]n Aelmihtig God untodaeledlic, ['a] on ecnysse
rixigende. Amen.