Cum descendisset Iesus de monte secute sunt eum turbe multe: et
reliqua.
Matheus, se eadiga Godspellere awr['a]t on thissere godspellican raedinge,
thaet "se Haelend nidher-eode of anre dune, and him filigde micel menigu.
Efne dha com sum hreoflig mann, and aleat widh thaes Haelendes, thus
cwedhende, Drihten, gif thu wilt, thu miht me geclaensian. Se Haelend
astrehte his hand, and hine hrepode, and cwaedh, Ic wylle; and sy dhu
geclaensod. Tha sona weardh his hreofla eal geclaensod, and he waes
gehaeled. Dha cwaedh se Haelend him to, Warna thaet thu hit nanum menn ne
secge; ac far to Godes temple, and geswutela dhe sylfne dham sacerde, and
geoffra dhine l['a]c, sw['a] sw['a] Moyses bebead him on gewitnysse."
Se l['a]reow Haegmon cwedh on dhissere trahtnunge thaet seo d['u]n the se
Haelend of-astah getacnode heofenan rice, of dham nidher-astah se
Aelmihtiga Godes Sunu, dhadha he underfeng ure gecynd, and to menniscum men
geflaeschamod weardh, to dhy thaet he mancynn fram deofles anwealde alysde.
He waes ungesewenlic and undhrowigendlic on his gecynde; tha weardh he
gesewenlic on urum gecynde, and throwigendlic. Seo micele menigu dhe him
filigde getacnode dha geleaffullan cristenan, the mid heora theawa staepum
Drihtne filiadh. Witodlice we folgiadh Cristes fotswadhum, gif we his
gebisnungum mid godum weorcum geefenlaecadh. "Efne dha com sum hreoflig
man, and aleat widh thaes Haelendes, thus cwedhende, Drihten, gif thu wilt,
dhu miht me geclaensian. Se Haelend {122} astrehte his hand, and hine
hrepode, and cwaedh, Ic wille; and sy dhu geclaensod. Tha sona weardh his
hreofla eal geclaensod, and he waes gehaeled."
On dhissere daede is geswutelod Godes miht, and his eadmodnys. Moyses ['ae]
forbead to hrepenne aenigne hreoflan, ac se eadmoda Crist nolde hine
forseon, theah dhe he atelic waere, and eac geswutelode thaet h['e] waes
Hlaford thaere ealdan ['ae], and na dheow. Mihtiglice he mihte mid his
worde hine gehaelan, buton hrepunge; ac he geswutelode thaet his hrepung is
swidhe halwende geleaffullum. Geleafful waes se hreoflia, dhadha he cwaedh,
"Drihten, gif thu wilt, dhu miht me geclaensian." Se Haelend andwyrde, "Ic
wylle; and thu beo geclaensod." Godes haes sodhlice is weorc, swa swa se
sealm-wyrhta cwaedh, "He hit gecwaedh, and tha gesceafta waeron geworhte.
He bebead, and h['i] waeron gesceapene."
On gastlicum andgite getacnode thes hreoflia man eal mancyn, the waes
atelice hreoflig, mid mislicum leahtrum on tham inran menn; ac hit gebeah
to Cristes geleafan, and gleawlice undergeat thaet hit ne mihte thaere
sawle claensunge onfon, buton thurh Drihten, the nane synne ne worhte, ne
nan facn naes on his mudhe gemet. Ladhlic bidh thaes hreoflian lic mid
menigfealdum springum and geswelle, and mid mislicum fagnyssum; ac se inra
mann, thaet is seo sawul, bidh micele atelicor, gif heo mid mislicum
leahtrum begripen bidh. We sceolon rihtlice gelyfan on Crist, thaet he ure
sawle fram synna fagnyssum gehaelan maege; and we sceolon anraedlice his
willan to dhaere fremminge biddan. His hand getacnadh his mihte and his
flaesclicnysse. Swa swa Crist mid his handa hrepunge thone hreoflian
gehaelde, swa eac he alysde us fram ure sawla synnum dhurh anfenge ures
flaesces; swa swa se witega Isaias cwaedh, "Sodhlice he sylf aetbraed ure
adlunga, and ure sarnyssa he sylf abaer."
Mid tham dhe he forbead tham gehaeledum hreoflian thaet he hit nanum men ne
cydde, mid tham he sealde us bysne thaet we ne sceolon na w['i]dmaersian
ure wel-daeda, ac we sceolon {124} onscunian, mid inweardre heortan, thone
ydelan gylp, gif we hwaet lytles to g['o]de gedodh. Witodlice ne bidh us
mid nanum odhrum edleane forgolden, gif we go['o]d for gylpe dodh, buton
mid helle susle; fordhan dhe gilp is an heofod-leahter.
Seo ealde ['ae] bebead thaet gehwilc hreoflig man gecome to tham sacerde,
and se sacerd sceolde hine fram mannum ascirian, gif h['e] sodhlice
hreoflig waere. Gif he naere swutelice hreoflig, waere dhonne be his dome
claene geteald. Gif se sacerd hine hreofligne tealde, and Godes miht hine
sydhdhan gehaelde, thonne sceolde he mid lace his claensunge Gode dhancian.
Swa sceal eac se dhe mid heafod-leahtrum widhinnan hreoflig bidh cuman to
Godes sacerde, and geopenian his digelnysse dham gastlican laece, and be
his raede and fultume his sawle wunda daedbetende gelacnian. Sume men
wenadh thaet him genihtsumige to fulfremedum laecedome, gif h['i] heora
synna mid onbryrdre heortan Gode ['a]num andettadh, and ne dhurfon nanum
sacerde geandettan, gif h['i] yfeles geswicadh: ac gif heora wena sodh
waere, dhonne nolde Drihten asendan thone dhe he sylf gehaelde to tham
sacerde mid aenigre lace. For dhaere ylcan gebisnunge eac h['e] asende
Paulum, thone dhe he sylf of heofenum gespraec, to dham sacerde Annanian,
thus cwedhende, "Ga inn to dhaere ceastre, and dhaer the bidh gesaed hwaet
the gedafenadh to d['o]nne."
Ne gedyde se sacerd thone man hreofligne odhdhe unhreofligne, ac h['e]
d['e]mde thaet he sceolde beon ascyred fram manna neawiste, gif his hreofla
wyrsigende waere; odhdhe betwux mannum wunian, gif his hreofla godigende
waere. Swa sceal don se gastlica sacerd: he sceal gerihtlaecan Godes folc,
and dhone ascyrian, and am['a]nsumian fram cristenum mannum, the swa
hreoflig bidh on m['a]nfullum dheawum thaet he odhre mid his yfelnysse
besmit; be dham cwaedh se apostol Paulus, "Afyrsiadh thone yfelan fram eow,
dhyl['ae]s dhe an wannhal scep ealle dha eowde besmite." Gif his hreofla
bidh godigende, thaet is gif he yfeles geswicdh, and his dheawas dhurh
Godes ege gerihtlaecdh, {126} he haebbe wununge betwux cristenum mannum,
odh thaet he full hal sy on his drohtnungum.
Se godspellere cwaedh, thaet "Drihten ferde aefter dhisum to anre byrig the
is geh['a]ten Capharnaum; tha genealaehte him to sum hundredes ealdor,
biddende and cwedhende, Drihten, min cniht lidh aet h['a]m bedreda, and is
yfele gedhreatod. Drihten him andwyrde, Ic cume and hine gehaele. Tha
andwyrde se hundredes ealdor, and cwaedh, Drihten, ne eom ic wyrdhe thaet
thu innfare under minum hrofe; ac cwedh thin word, and min cniht bidh
gehaeled. Ic eom ['a]n man geset under anwealde, haebbende under me cempan;
and ic cwedhe to dhisum, Far dhu, and he faerdh; to odhrum, Cum dhu, and he
cymdh; to minum dheowan, Do dhis, and he dedh. Tha wundrode se Haelend,
dhadha h['e] dhis gehyrde, and cwaedh to dhaere fyligendan menigu, Sodh ic
eow secge, ne gemette ic swa micelne geleafan on Israhela dheode. Ic secge
eow to sodhum, thaet manega cumadh fram east-daele and west-daele, and
gerestadh h['i] mid Abrahame dham heahfaedere, and Isa['a]ce, and Iacobe,
on heofenan rice. Tha r['i]can bearn beodh aworpene into dham yttrum
theostrum, thaer bidh w['o]p and todha gebitt. Dha cwaedh eft se Haelend to
tham hundredes ealdre, Far dhe h['a]m, and getimige dhe swa swa dhu
gelyfdest. And se cniht weardh gehaeled of dhaere tide."
Thes hundredes ealdor genealaehte dham Haelende na healfunga, ac
fulfremedlice. He genealaehte mid micclum geleafan, and mid sodhre
eadmodnysse, and snotornysse, and sodhre lufe. Micelne geleafan he haefde,
thatha he cwaedh, "Drihten, cwedh thin word, and min cniht bidh hal."
Sodhlice he geswutelode micele eadmodnysse, mid tham dhe he cwaedh,
"Drihten, ne eom ic wyrdhe thaet thu innfare under mine dhecene." He haefde
micele snotornysse, thatha h['e] underst['o]d thaet Crist is aeghwaer
andweard thurh godcundnysse, sedhe lichamlice betwux mannum gesewenlic
eode. Naes he bedaeled thaere sodhan lufe, dhadha he baed Drihten for his
dheowan haele. Manega odhre men baedon Drihten, sume for heora agenre
haele, sume for heora bearna, sume for leofra freonda; {128} ac dhes dhegen
baed for his theowan haeldhe mid sodhre lufe; fordhan dhe heo ne tosc['ae]t
naenne be maeglicere sibbe. Drihten geseah dhises dhegenes menigfealdan
godnysse, and cwaedh, "Ic cume, and dhinne cniht gehaele."
Iohannes se Godspellere awr['a]t, thaet "Sum under-cyning com to Criste,
and hine baed thaet he h['a]m mid him sidhode, and his sunu gehaelde;
fordhan the h['e] laeig aet fordhsidhe. Tha cwaedh se Haelend to dham
under-cyninge, Gew['e]nd the h['a]m, thin sunu leofadh. He gelyfde thaes
Haelendes spraece, and h['a]m sidhode. Dha comon his dhegnas him togeanes,
and cyddon thaet his sunu gesund waere. He dha befr['a]n on hwilcere tide
he gewyrpte. H['i] saedon, Gyrstan-daeg ofer midne daeg hine forl['e]t se
fefor. Tha oncneow se faeder thaet hit waes seo t['i]d on dhaere dhe se
Haelend him to cwaedh, Far dhe h['a]m, thin sunu leofadh. Se cyning gelyfde
dha on God, and eal his hired."
Drihten nolde geladhod lichamlice sidhian to thaes cyninges untruman
bearne, ac ['u]nandweard mid his worde hine gehaelde; and he waes gearo
ungeladhod to sidhigenne lichamlice mid tham hundredes ealdre. Wel w['a]t
gehw['a] thaet cyning haefdh maran mihte thonne aenig hundredes ealdor, ac
se Aelmihtiga Godes Sunu geswutelode mid thaere daede thaet we ne sceolon
dha r['i]can, for heora riccetere wurdhian, ac for menniscum gecynde; ne we
ne sceolon dha w['a]nnspedigan for heora hafenleaste forseon; ac we sceolon
Godes anlicnysse on him wurdhian. Se eadmoda Godes Sunu waes gearo to
geneosigenne thone dheowan mid his andwerdnysse, and he gehaelde thone
aedheling mid haese; be dham cwaedh se witega, "Se healica Drihten sceawadh
tha eadmodan, and tha modigan feorran oncnaewdh."
Drihten wundrode thaes hundredes ealdres geleafan, na swilce he hine aer ne
cudhe, sedhe ealle dhing w['a]t, ac he geswutelode mannum his geleafan mid
herunge tham the he wundorlic waes. Hwanon com se geleafa tham thegene
buton of Cristes gife, sedhe hine sydhdhan thisum wordum herede? "Sodh ic
eow secge, na gemette ic swa micelne geleafan on Israhela dheode." {130}
Naes dhis gecweden be dham heahfaederum odhdhe w['i]tegum, ac be dham
andwerdan folce, dhe dha-gyt naeron swa miccles geleafan.
Maria and Martha waeron twa geswystru swidhe on God belyfede: h['i] cwaedon
to Criste, "Drihten, gif dhu her andwerd waere, naere ure brodher
fordhfaren." Thes dhegen cwaedh to Criste, "Cwedh thin word, and min cniht
bidh hal. Ic eom man under anwealde gesett, haebbende under me cempan; and
ic secge dhisum, Far dh['u], and he faerdh; to odhrum, Cum dhu, and he
cymdh; to minum theowan, Do this, and he dedh. Hu miccle swidhor miht dhu,
the Aelmihtig God eart, thurh dhine haese gefremman swa hwaet swa dhu
wilt!" Drihten cwaedh, "Ic secge eow to sodhan, thaet manega cumadh fram
east-daele and west-daele, and gerestadh h['i] mid Abrahame tham
heahfaedere, and Isa['a]ce, and Iacobe, on heofenan rice." Thas word sind
lustbaere to gehyrenne, and h['i] micclum ure mod gladiadh, thaet manega
cumadh fram east-daele middangeardes, and fram west-daele, to heofenan
rice, and mid tham heahfaederum on ecere myrhdhe rixiadh.
Thurh dha twegen daelas, east-dael and west-dael, sind getacnode dha feower
hwemmas ealles middangeardes, of tham beodh gegaderode Godes gecorenan of
aelcere maegdhe to thaera heahfaedera wununge, and ealra halgena. Thurh
east-dael magon beon getacnode tha dhe on geogodhe to Gode bugadh; fordhan
dhe on east-daele is thaes daeges angin. Thurh west-dael sind getacnode tha
dhe on ylde to Godes dheowdome gecyrradh; fordhan dhe on west-daele
geendadh se daeg.
Dhes aefterfiligenda cwyde is swidhe egefull, "Tha r['i]can bearn beodh
aw['o]rpene into dham yttrum dheostrum, thaer bidh w['o]p and todha
gebitt." Dha rican bearn sind tha Iudeiscan, on dham rixode God dhurh dha
ealdan ['ae]; ac h['i] awurpon Crist, and his lare forsawon; and h['e]
awyrpdh h['i] on dha yttran theostru, dhaer bidh w['o]p and todha gebitt.
Fela riccra manna gedheodh Gode, swa-theah, gif h['i] rihtwise beodh, and
mildheorte. Rice man waes se heahfaeder Abraham, and Dauid se maera cyning,
and Zacheus, sedhe healfe his aehta thearfum daelde, and mid {132} healfum
daele forgeald be feowerfealdum swa hwaet swa he aer on unriht be anfealdum
reafode. Thas rican and heora gelican becumadh thurh gode gecyrrednysse to
dham ecan rice, dhe him naefre ne ateoradh.
Dha sind Godes bearn gecigede, the hine lufiadh swidhor thonne thisne
middangeard; and dha sind dha rican bearn gecwedene, dhe heora heortan
wyrtruman on dhisum andwerdum life plantiadh swidhor thonne on Criste:
swylce beodh on theostru aworpene. Thaet godspel cwydh, "On tha yttran
theostru." Dha yttran theostru sind thaes lichaman blindnyssa widhutan. Dha
inran theostru sind thaes modes blindnyssa widhinnan. Se dhe on dhisum
andweardum life is widhinnan ablend, swa thaet he naefdh nan andgit ne
h['o]ga embe Godes beboda, he bidh thonne eft widhutan ablend, and aelces
leohtes bedaeled; fordhan dhe he aer his lif aspende butan Godes gemynde.
Tha earman forscyldegodan cwylmiadh on ecum fyre, and swa-dheah thaet
swearte fyr him nane lihtinge ne dedh. Wurmas toslitadh heora lichaman mid
fyrenum todhum, swa swa Crist on his godspelle cwaedh, "Thaer naefre heora
wyrm ne swylt, ne heora fyr ne bidh adwaesced." Thaer beodh thonne
geferlaehte on anre susle, tha the on life on m['a]ndaedum gedheodde
waeron, swa thaet tha manslagan togaedere ecelice on tintregum cwylmiadh;
and forl['i]gras mid forligrum, gitseras mid gytserum, sceadhan mid
sceadhum, dha forsworenan mid forsworenum, on dham bradan fire, butan
aelcere geendunge forwurdhadh. Thaer bidh w['o]p and todha gebitt, fordhan
dhe dha eagan tyradh on dham micclum bryne, and dha tedh cwaciadh eft on
swidhlicum cyle. Gif hwam twynige be dham gemaenelicum aeriste, thonne
understande he thisne drihtenlican cwyde, Thaet thaer bidh sodh aerist,
dhaer dhaer beodh wepende eagan and cearcigende tedh.
Drihten cwaedh to tham hundredes ealdre, "Far dhe h['a]m, and getimige dhe
swa swa dhu gelyfdest; and his cniht weardh gehaeled of dhaere tide." Be
dhisum is to understandenne hu micclum tham cristenum men his agen geleafa
fremige, thonne odhres mannes swa micclum fremode. Witodlice, for dhaes
{134} hundredes ealdres geleafan weardh se bedreda gehaeled. Geleafa is
ealra maegena fyrmest; buton tham ne maeg n['a]n man Gode lician; and se
rihtwisa leofadh be his geleafan. Uton gelyfan on tha Halgan Dhrynnysse,
and on sodhe Annysse, thaet se Aelmihtiga Faeder, and his Sunu, thaet is
his wisdom, and se Halga Gast, sedhe is heora begra lufu and willa, thaet
h['i] sind thry on hadum and on namum, and ['a]n God, on ['a]nre
godcundnysse aefre wunigende, butan angynne and ende. Amen.