Weise: Kimmt ä Bugerl u. s. w.
In'n Gebärg hot's viel Stähdeln,
Gruß' un kleene, gor fei.
Ich will dir'sche auffädeln;
Guck när sälberst ä nei!
Aus der Zwick' thun se regieren
Us un's Vugtland derzu;
In der Ah' giehn se spazieren,
Wenn se nischt hamm ze thu?
Ach Herr, Jehstadt is gruslig,
Thum un Geyer wuhl meh;
Wiesenthal macht een'n duslig,
Wenn mer stieht uf der Heh'.
In Eimstock, do gibbt's Läben,
In Kanngorngstadt härt's auf;
Aber Neistähdl thut sich heben,
Schniebärg is net neidsch drauf.
Annebärg leit huch uben,
Buchhuls glei nebenbei;
Besser luhnt, als sinst Gruben,
Pusementiererei.
Schwarzenbärg is rumanisch,
Wulkensteen is es ooch;
Schlett' un Grienhahn is kumpanisch,
Elterlein hot e Loch.
Scheibenbärg hot en Hiegel,
Där'n nischt eibringe thut;
In Marienbärg kriegste Schniegel;
Säller Zehbels hot's gut.
Altenbärg häßt siwirisch,
Doch 's is gor net su toll;
Schmiedebärg wärd nu riehrisch;
Sayd' un Frauensteen -- pascholl.
Kumm när 'rauf, 's is net iebel;
Alleng wird hie geärbt't;
Freilich hot's ville Hiedel;
Doch kah mer lähm, bis mer stärbt.
H. in F.
Zweiter Abschnitt.
Das Volkstum des Obererzgebirgers.