Stem: Van mijn heer van Valkenstein.
1 Wie wil horen een nieu liet?
hoort toe, ic salt u singhen
van drie ghesellen uit Rosendael,
op vrijbuit wast dat si ghinghen.
2 Si ghinghen bilo bi nachte niet,
maer si ghinghen op avonture
so lanc tot dat si gheldeloos waren,
dat duerde een cort hallifure.
3 Als si ter halver weghen quamen,
een coopman quam haer teghen:
'lech af, lech af jouw coopmans goet,
wilt ghijder behouden uw leven!'
4 'Ic lech niet af mijn coopmans goet
ende daer toe mijn jonghe leven,
ic hebber noch silver ende rode gout
ende dat sal icker jou gheven.'
5 Die coopman sinen tas ontsloot
ende hi schonker wel hondert cronen:
'houdt daer, ghesellen van Rosendael,
verteertse met vroutjes schone!'
6 Doe sprac de joncste al van de drie:
'die buit willen wi gaen clieven,
ende gheven den coopman sijn half goet weer,
so mach hi een coopman bliven.'
7 Doe sprac de outste al van de drie:
'die buit willen wi gaen houen,
ende copen ons elc een appelgrau ros
ende riden tAntwerpen binnen.'
8 Als si tAntwerpen binnen quamen,
tAntwerpen binnen de muren,
si wierden op een pijnbanc gheleit:
dat deder haer jonc hert truren.
9 'Nu sijnder al ons leden lam:
wat sullen wi gaen beghinnen?
ic en wilder niet meer nae Rosendael gaen
ende horen den nachtegael singhen.
10 O nachtegael, clein voghelkijn,
hoe hebt ghi mijn bedroghen!
ghi placht te singhen onder een pereboom,
in veel schoon vroutjes oghen.
11 O nachtegael, clein voghelkijn,
wilt ghi mi leren singhen?--
ic singher int wout, clein voghel stout,
niemant cander mijn bedwinghen.--
12 Bent ghi int wout, clein voghel stout,
can jou niemant bedwinghen,
so dwinct jou de haghel, de coude snee,
het loof al van der linden.'
Oudt Amst. LB. bl. 26. (Willems Nr. 109.) Oudt Haerl. LB. 27. druk. In
ersterem 9, 4. daer veel schoone vroutjens waren.
Ueber das Lied von der Nachtigall, Str. 10-11. s. Nr. 71.
¶ 2. 1. bilo, byloo, wol besser belo, wahrscheinlich aus den alten
Interjectionen wê und lâ (noch im Engl. la, lo), ahd. wela, ags. vala;
Interj. des Staunens u. Schmerzens, Grimm Gr. 3, 288 ff. Fehlt in
den nl. Wb.--5, 1. tas, Tasche, Börse--5, 3. houdt daer, nehmt,
das frz. tenez!--6, 2. clieven, spalten, theilen--7, 2. houen für
houden--8, 3. pijnbanc, Folter--10, 3. placht, pflegtet--11, 4. 10,
2. mijn für mi--12, 1. bent für sijt.
¶ Nr. 25.