[38] Minárapat kong maglagáy ng̃ isáng kabanata na náuukol sa mg̃a
paraán ó hugis ng̃ pagsulat ng̃ iláng salitâng tagalog, upáng
malunasan ang pagkakáibáibáng nangyayari ng̃ayón na ibinubung̃a ng̃
kawalán ng̃ tuntuning dapat sundín ng̃ mg̃a nagsisisulat. Ang mg̃a
tuntuning nalálagdâ sa bagay na itó ay násasalig sa ating katutubòng
pagbigkás at sa mg̃a panutong sinúsunód sa Balarilà.
[39] Hindî kákauntî ang nápupuná kong sumusulat ng̃ _sinoman_,
_anoman_, _alínman_ na ang _man_ ay idinidikít. Sa ganáng hakà ko’y
hindî tumpák ang ganitóng pagsulat.