Ona volta, gh'era on Re. El gh'aveva tre tosann. Tutt i dì andaven
a fa la passeggiada insemma a la soa bonn.[vii] On dì, van a fa sta
passeggiada; e hin andà in d'on sit, che gh'era de l'erb, del verd
insomma. E lor, s'hin miss a slontanass da la soa bonn. Dopo on pezz,
che ie vedeva minga, la va a cercaj. La guarda de per tutt i part, no
la po vedej; ie ciama, no le sent a rispond. La va a cà, e la fa dì
al Re, che i ha perduu. El Ree, tutt desperaa, el da ordin, che se
vaga a cercaj. Lì, gh'è andaa tanti a vedè, se podeven: de ona part,
de on'altra, e han mai poduu trovà sti tôsann. L'era già on ann, che,
insomma, lu l'ha mai poduu trovaj. Ven, che on dì, va là tre disertor;
e van a presentass del Re. Ghe disen, che lor sarissen andaa in cerca
de vedè se podessen trovà i so tre tosann. El Re, l'ha daa ordin de
andà in della soa stalla e de andà a tœu su on cavall per un, per
andà in gîr a cercà sti tosann. Lor hin andaa, han giraa per tanti
dì attorna deppertutt. Infin, on dì eren stracch mort, eren in d'ona
campagna, han distaccaa i so cavaj, i han ligaa in d'ona pianta e lor
s'hin buttaa giò a riposà. Quand s'hìn dessedaa, veden che gh'è li ona
donnetta; e ghe dìsen a sta donna:—«Dove l'è, che poderessem andà a
tœu quajcoss per mangià?»—che lor gh'aveven famm. E lee, la dis, de
dagh i danèe a lee, che la saria andada a procurà de tœu de mangià.
La ghe dimanda dove l'è, che andaven. E lor gh'han ditt, che andaven
per vedè, se podeven trovà i tre tosânn del Re. E lee, la gh'ha ditt,
che la gh'avaria insegnàa lee in dove l'è, che l'eran; e la manera de
podè andà a tœuj, perchè l'era el mago, che i aveva robbàa. La ghe
dis:—«Ecco! per podè andà a tœu i tosânn, bisogna che lor comincen per
tœu tanta corda.»—E la gh'ha insegnaa el sit, che lor doveven andà,
che avarien trovaa on uss e denter ona gran stanza granda. Che avarien
ligàa i so cavaj. Là gh'era ona preja: de tirà su quella preja là e
de lassass giò vun a la volta. E quand eren abass, l'era scur: ma lor
d'avegh minga paura, d'andà innanz semper dritt, che avarien trovàa
el ciar. E la gh'ha dàa ona nôs, ona castegna e ona nisciœula:—«Quand
sarèe in pericol, che vedarìi lu, el mago, che ve corr adrèe, trèe
vunna de sti robb, che ve doo.»—Difatti, inscì han fàa: hin andàa.
Difatti han trovàa st'uss, han trovàa sta stanza e s'hin lassàa giò. E
quand hin stàa giò, hin andàa semper dritt, dritt, dritt; e a poch a
poch han cominciàa a vedè on pòo de lus. E pœu hin andàa innanz, han
cominciàa a vedè on palazz; e là gh'era a la finestra vunna di sti
tosânn. Lee, la s'è accorta, ch'eren gent ch'andaven per deliberalla.
La ghe fa segn de andà adasi adasi innanz, ch'el mago i avess avùu de
sentì. E la tœur su di gemm, di robb prezios, ch'el mago el gh'aveva
regalàa:—«Per mi, me fan minga de bisogn; ma vœur dì, che i tœui su,
per dà a la gent, che m'ha deliberàa. Adess»—la dis—«andem innanz, che
là ghe sarà on'altra mia sorella.»—Là, anca de quella la fa istess,
la ven giò e via, la scappa insemma a l'altra sorella. Van innanz on
tocch anmò; là gh'è on alter palazz e denter gh'è la terza. Quand hin
tutt e tre salvàa, van i trè donn e i trij omen, van dritt, van pu de
la part, ch'hin vegnùu, van dritt che gh'è l'istessa strada. Quand han
faa on poo de strada, se volten indree; e veden el mago che ghe corr
adree.—«Pessèga; trà via la nôs.»—In d'on moment, gh'è staa on lagh
d'acqua. E allora lu el podeva minga corregh adrèe fin che st'acqua
la s'era minuida, perchè l'andava via a poch a poch. Vann innanz
anmò on pòo; quand han faa on poo de strada ancamò, guarden indrèe.
L'acqua l'è scomparsa e el mago el ghe torna a corr adrèe. Allor lor
tran via la nisciœula; e se ved on gran incendi, on gran fœugh. E lor
ciappaven temp e corriven per podè rivà a quel sit, che lu, el podess
minga ciappaj. Tornen a guardà indrèe, el veden anmó:—«Tra via la
castegna!»—E lor eren abass e in alt se vedeva ona gran montagna, fin
ch'hin rivaa in quel tal sit, in dove eren andàa a tœu i so cavaj.
Là han tolt su i cavaj, pœu han miss i so tosânn e via hin andàa a
drittura a la cittàa. Là appenna ch'i han vist a comparì, che tutti
saveven la disgrazia del Re; s'hin miss adrèe a sonà i campann, a fa
festa, eh! El Re, el dis:—«Cosse l'è, che gh'è? coss'è success, che fan
sta legria? Andè a ciama.»—El moment che van per dagh la risposta, van
denter de la porta sti trij, ch'hin andàa via cont i so tosânn. Allora
el Re tutt content a vedé i so tosânn, che gh'aveven deliberàa! I
tosânn ghe cunten, che, quand lor eren là tutt e tre insemma a discorr
distant de la bonn, era vegnùu sto mago, ch'i ha menàa via tutt e tre
con gran forz, e lor han minga poduu nè ciamà la bonn nè nient. El Re a
quij trii disertor el gh'ha perdonaa; e pœu elgh'ha fàa on gran regal,
che lor hin stàa contentissem e s'ciau. È passàa on car de merda de
pipì, in bocca a tutti i sciori, ch'hin stàa chì a sentì.
[i] Da non confondersi con l'altra dal titolo stesso, riportata a
pag. 308 del volume presente.
[ii] _Imbonì_ significa non solo _placare_, anzi pure _indurre_,
_persuadere_.
[iii] _Strusà_, strascinare, strascicare. _Strusà giò_, strascinare
abbasso tirar giù.
[iv] _Domà_ o _nomà_, solo, soltanto, solamente.
[v] _Ciappin_, demonio, diavolo. Vedi pag. 191 del presente volume.
In Napoletano _Chiappino_ vuol dire, secondo il Galiani, furbo,
astuto, onde forse lo _Scapin_ francese. _Cortese_. _Lo Cerriglio
'ncantato_. VII, 21.
_Ma Tonno mò', ch'era 'no gran chiappino,
Sentette da lontano lo grà' addore._
Ma ognun vede, esser questo un senso traslato, metaforico. Non
so che relazione abbiano il _Ciappin_ milanese ed il _Chiappino_
napoletano, con lo _Scappino_ toscano. Nella stanza XXXIX del
primo cantare del _Malmantile_, si legge, che alcuni soldati orbi
di Bieco de' Crepi, duca d'Orbetello, monocolo.—«Dietro al Duca,
che ognun guarda a traverso, vanno cantando l'aria di Scappino.»
E nelle note:—«L'_aria di Scappino_ era una canzonetta, che
cantavano i ciechi, in piazza del Granduca in Firenze, a' tempi del
poeta.»—Quanto avrebbe meglio fatto l'annotatore, trascrivendola e
non profanando il nome di poeta, con l'applicarlo al Lippi!
[vi] Questa invocazione del diavolo, ci mostra che qui la _stria_
è semplicemente una strega, non già una fata. Nel _Pentamerone_
si tratta d'un'Orca, Il mescuglio delle fate col diavolo è cosa
letteraria, appartenendo queste due creazioni a due cicli mitici
diversi. (Ricciardetto XX 1—3).
_Il diavol, donne mie, può far gran cose:
Basta solo, che dio lo lasci fare.
Però non siate punto dubitose
Di? ciò che udiste ed udrete cantare_
_De l'opere di lui meravigliose.
Chè, sebbene il tristaccio non appare,
E su le fate si versa la broda;
Ei però vi pon sempre e corno e coda.
So ben, che ci son molte come voi,
Che credono romanzi e favolette
Le cose delle fate: ma son buoi,
Nè sanno che il demonio non perdette
In uno con la grazia i pregi suoi,
E le virtù, che dio gli concedette;
Le quali tante sono, che potria
Guastare il mondo in un'Avemmaria.
E poi le sacre carte non son piene
Di maghi e streghe e cose simiglianti?
E in chiesa l'acqua santa a che si tiene?
E a che si fanno tanti preghi e tanti
Su le campane? Perchè suonin bene,
E la fune e il battaglio non si stianti?
Si fanno solo per guastar con esse
Le traversie, che il diavol ci facesse._
[vii] _Bonne_, francese; aja, governante, bambinaja.
[8] _Non fa che_ (sic). Leggi e dì: _non fa se non_.
[9] Queste incombenze ineseguibili riconducono naturalmente al pensiero
il mito di Psiche. Vedi l'altre fiabe di questa raccolta, intitolate
_La bella e la brutta_ (pag. 195) e _La Prezzemolina_ (pag. 209) Cf.
PITRÉ. (Op. cit.) XV. _Lu Re di Spagna_; XVII _Marvizia_ ecc. ecc. ecc.