Ona volta gh'era ona mamma e la gh'aveva dò tosanett: vunna l'era
cattiva e l'altra l'era bonna comè. Ma la mader, la ghe voreva pusèe
ben a la cattiva, che a la bonna. Ven, che on dì la ghe dis a quella
cattiva:—«Và a cavà on sidellin[i] de acqua.»—Quella cattiva, la ghe
vœur minga andà, la desobediss[ii] a la soa mamma; e quella bonna, la
dis:—«Sa! che andaroo mi, andaroo mi a cavalla.»—La va a cavà l'acqua,
ghe borla giò[iii] el sidellin in del pozz. Lee, la dis:—«Adess vòo a
cà senza el sidellin, chi sa la mia mader cosa la me fa!»—La và giò
in del pozz, e la trœuva come ona stretta[iv] che gh'era di uss; e la
picca a on uss:—«Minga trovàa pess e pessin[v], corda e sidellin?»—Là
gh'era on sant; el dis:—«No, la mia tosa.»—La va innanz e la trœuva on
alter uss:—«Minga trovàa pess e pessin, corda e sidellin?»—«No!»—Quell
là l'era el ciappin[vi], le rispond rabbiàa, perchè l'era ona bonna
tosa; el ghe dis minga:—«La mia tosa.»—Lee, la picca in d'on alter
uss:—«L'ha minga trovàa pess e pessin, corda e sidellin?»—Gh'era la
Madonna e la ghe dis:—«Sì, la mia tosa. Sent, te podarisset famm piasèe
a fermatt chì intrettant che mi voo via. Mi gh'hoo chi el me fiolin,
che te ghe darèe la suppa[vii]; te scovaret, te faret tutt i robb de
cà. E mi vegnaròo a cà, te daròo el to sidellin.»—La Madonna, la va
via, e lee, la se mett adrèe a fà tutt i robb de cà, la ghe dà la
suppa al fiolin, la scova; e in del scovà, invece de trovà rud[viii],
la trovava di coraj, di robb bellissem, insomma robba finna. Lee,
la vedeva che l'è minga ruff, e l'ha mess là da ona part, per quand
vegneva la Madonna per daghel. La ven a cà e la ghe dis:—«T'hê fàa tutt
quell che t'hoo ditt?»—E lee, la dis:—«Sì, ma che la guarda sta robba
chì, l'hoo trovàda per terra, l'è minga rud.»—«Ben, tegnela per tì.
Te vœut el vestìi de percall o on vestìi de seda?»—E lee le dis:—«No,
no, on vestìi de percall.»—E la Madonna invece la ghe da quell de
seda.—«Te vœut on didàa de lotton[ix] o on didàa d'argent?»—«Me le
daga de lotton.»—«No, tel dòo d'argent. Tœu, quest chì l'è el sidellin
e la toa corda. Quand te set in fin de sto coridor[x] chì, guarda per
aria.»—Lee, la guarda per aria e ghe ven giò ona bella stella in front.
La và a cà; e la soa mamma, la ghe cor a la contra per criagh, perchè
l'è stada via on pezz; e la fa per dagh di bott, e la ved che la gh'ha
ona stella in front, che la lusiva che l'era ona bellezza; e la ghe
dis:—«In dove te see stada fin adess? chi l'è che t'ha miss quella
robba lì?»—Lee, la dis:—«Mi sòo minga cosse l'è che gh'hoo.»—La mader,
la fa per lavaghela via: invece d'andà via, la ven pusèe bella. La ghe
cunta cosse l'è che gh'era success. Allora, l'altra sorella, la vœur
andà anca lee. La va via e la fa l'istess, come l'ha fàa soa sorella.
L'ha lassàa anda giò el sidellin. La va giò, la picca a l'uss anca lee
del sant:—«L'ha minga trovàa pess e pessin, corda e sidellin?»—«No, la
mia tosa.»—La va in de l'alter uss; la picca:—«L'ha minga trovàa pess e
pessin, corda e sidellin?»—El ciappin:—«No; l'hoo minga trovà; ma ven
chì la mia tosetta, ven chì.»—Ma lee, la sent che l'ha minga trovaa
el so sidellin e la ghe dis:—«No, no, vòo innanz.»—La picca a l'uss de
la Madonna:—«L'ha minga trovàa pess e pessin, corda e sidellin?»—La
Madonna, la ghe dis de sì:—«Guarda che mi voo via; te ghe darèe la
suppa al mè fiœu e pœu te scovaret. Quand tornaroo a cà, te daròo
el to sidellin.»—La suppa, invece de daghela al fiœu, l'ha mangiàda
lee.—«Oh!»—la dis—«come l'era bonna!»—La scova e la trœva tanto
rud.—«Oh povera mi! Ma la mia sorella, l'ha trovàa tanti bej robb!»—Ven
a cà la Madonna:—«T'hè fàa quel che t'hoo dìtt?»—«Sì.»—«Te vœut el
didàa de lotton o quell d'argent?»——«Oh! el vuj d'argent!»—Lee, ghe dà
quell de lotton.—«Te vœut el vestìi de percall o quell de seda?—«Che me
le daga de seda.»—E lee, la gh'ha dàa quell de percall.—«Tœu, quest chi
l'è el to sidellin e la toa corda. Quand te sèe fœura de chi, guarda
per aria.»—Quand l'è stada fœura, la guarda per aria, ghe ven propi
sul front ona boascia, che ghe sporca tutta la faccia e ven giò tutta
la brœuda[xi]. La va a cà tutta rabbiada a piang, a tœulla cont la
so sorella perchè lee la gh'aveva la stella e lee invece la gh'aveva
quella porcaria lì sulla faccia. La soa mamma, la s'è missa adrèe a
lavagh la faccia, a fregà via; e la maggia l'ha minga voruu andà via;
sta boascia l'andava minga via. E allora, la mader, la dis:—«Capissi,
che la Madonna l'ha fàa per famm vedè, che mi ami quella cattiva e
trascuri quella bonna.»—
[i] _Sidellin_, secchiolino. _Sidell_ m. e _Siddella_, f. secchio,
secchia. (Ed il vocabolo italiano ed il termine meneghinesco vengono da
_situla_ e _sitella_ latino). In napolitano, anche da un ètimo latino,
si dice _cato_.
[ii] Il Cherubini non ha che _desubedì_; ma la mia fabulatrice diceva
_desobedì_.
[iii] _Borlà giò_, tombolar giù. FIRENZUOLA. _Asino d'oro_, Libro
V:—«Nè mi parrà mai esser donna, nè viver certamente, insino a tanto
ch'io non la fo tombolar giù di tanta felicità.»—
[iv] _Stretta_ nel Cherubini c'è solo come termine musicale: _la
stretta del finale_. Egli però registra _Streccia_ (ch'è forma più
ambrosiana del vocabolo) nel senso di _chiasso_, _vicolo_, ch'è appunto
quello che ha qui _Stretta_.—_Streccia del lett_, _strecciœura_,
stretta del letto, stradetta, stradella, tramezza.
[v] _Pess e pessin_, pesce e pesciolino. Ci son per la rima, m'immagino.
[vi] _Ciappin_, vale _demonio_, _fistolo_. Così pure il _Chiappino_
in dialetto napoletano. Difatti ho trovato nella VII ottava del XVIII
canto della _Gerusalemme_ del superbo FASANO (_superbo_ il chiama il
Redi nel suo Ditirambo):
_Ma pe' mmo' non faje fede, ca staje chino
Comm'uovo e te grelleja 'ncuollo chiappino._
—«Non piaci o non sei accetto al signore Iddio, perchè stai pieno come
uovo e ti salta addosso il demonio.»—
[vii] _Suppa_. Zuppa, suppa. _Che vendetta di dio non teme suppe_. Sarà
ridicolo il vederne l'origine nel _pa_ sanscrito (bere) col prefisso
_su_ (bene)?
[viii] _Rud_, _ruff_ e anche _ru_. Spazzatura, scoviglia, immondezza.
Concio, letame, Sudiciume, loja, porcheria. Forfora. In una variante,
la Madonna si fa pettinare dalla buona fanciulla e le cadono dal capo
perle e gemme; poi, quando la pettina la cattiva, le piovono da capegli
pidocchi e cimici. Così Adone sorprende Falsirena (_Adone_, XII, 171)
_Trovò che allora appunto avea disfatta
La trecciatura del bel crine aurato,
E con l'avorio de la mano intatta
Pur d'avorio movea rastro dentato.
Piovon perle dall'oro, e, mentre il tratta.
Semina di ricchezze il verde prato.
Mentre i biondi capei pettina e terge
Tutto di gemme il suol vicino asperge._
[ix] Ditale, come inesattamente dicon molti, ossia, anello da
cucire di ottone.
[x] Manca nel Cherubini, il quale ha però _coridera_ e _corridera_,
femminili; e nelle _Giunte e correzioni_ al IV volume anche _Corridor_,
maschile, ma solo con due _rr_.
[xi] _Boascia_ o _bovascia_, Meta, bovina, buina, vaccina, sterco di
bue. _Brœuda_, broda, fanghiglia, poltiglia.
[2] Tratto frequente nelle fiabe. Una pomiglianese comincia così:—«Nce
stevano 'na vota tre figliuole e l'urtima 'e cheste ssi chiammava
Viola. Tutt'e tre faticavane; ma 'a primma filava, 'a siconda tesseva e
'a terza cuseva. 'O figlio d''o Re ssi n'ammuravo; e sempe ca passava
riceva:—_Quanto è bella chella cu fila; quanto è cchiu bella chella
cu tesse; ma quanto è cchiu bella chella cu cose! Mme cose 'sto core!
Ebbiva Viola! Ebbiva Viola!_ 'E sore n'avevane 'mmiria e pi' dispietto
'a mittettere a filà'. Passava 'o figlio d'o Re e ricette: _Quanto è
bella chella cu tesse, quanto è cchiu bella chella cu cose; ma guanto
è cchiù bella chella cu fila! Mme fila 'sto core! Ebbiva Viola! Ebbiva
Viola!_ 'E sore 'a mittettere a tessere; ma 'o figlio d''o Re pure
accussì diceva e sempe cu' Viola aveva.»—
[3] A proposito di questi
due segnali diversi, piovuti dal cielo, trascriverò qui un brano della
scena III dell'Atto II degli _Amorosi Affanni_, tragicomedia pastorale
d'Andreano de' Ruggieri d'Atripalda (MDCXLIV).
TRISINDO. Nacque l'empia Girasca Figlia d'Erpauro, che di notte
Ilgiglio E seco Arcaldo mi furò, malvagia, Per farne un
sacrificio al Re de l'ombre.
SILVIA. Et onde nacque in lei tanto aspra voglia?
TRISINDO. Perchè Girasca avea nel sen d'un rospo, E di Cleante i figli
avean nel petto Il segno d'una stella. E sul Matese Dargli morte
volea con un suo dardo; Per quel che poi mi raccontò
Sirenio,—_ecc. ecc._
[4] Di pesci riconoscenti ce ne ha in parecchie
fiabe e novellette. Ricorderò lo Straparola, Notte III. Favola L (Cf.
_Pentamerone_, Giornata I. Trattenimento III _Peruonto_)—«Pietro Pazzo,
per virtù d'un pesce chiamato tonno, da lui preso e da morte campato,
diviene savio, e piglia Luciana figliuola di Luciano in moglie...»—Ecco
come il novellator da Caravaggio narra il primo dialogo fra 'l pazzo ed
il tonno:—«Il poverello un giorno prese un grande e grosso pesce da noi
tonno per nome chiamato. Di che egli ne sentì tanta allegrezza, che 'l
se n'andava saltellando e gridando per lo lito: _Cenerò pur con la mia
madre!_ et andava tai parole più volte replicando. Vedendosi il tonno
preso e non poter fuggire, disse a Pietro Pazzo: _Deh, fratello mio,
pregoti in cortesia, che tu mi doni la vita. Come mangiato mi avrai,
quale altro benefizio da me conseguir potrai? ma se tu da morte mi
camperai, forse che un giorno io ti potrei giovare._ Ma il buon Pietro,
che aveva più bisogna di mangiare che di parole, voleva pure al tutto
ponerselo in ispalla e portarselo a casa per goderselo allegramente
con la madre. Il tonno non cessava tuttavia di caldamente pregarlo
offrendogli di dargli tanto pesce quanto egli desiderava avere. Et
appresso questo gli promise di concedergli ciò ch'egli addimanderebbe.
Pietro che, quantunque pazzo fusse, non aveva di diamante il cuore,
mosso a pietà, si contentò da morte liberarlo. E tanto e con i piedi e
con le braccia lo spinse che lo gettò nel mare; ecc., ecc.»—Confronta
anche con l'altra Fiaba della presente raccolta: _Il Mago dalle sette
teste_.