[Sidenote: 1460 AUG. 28]
_De scripto irrotulato, Worcestre._--Universis et singulis Christi
fidelibus ad quos præsens scriptum pervenerit, Willelmus Worcestre,
alius dictus Botoner, de Castre juxta Yermouth in com’ Norff.,
gentilman, salutem in Domino. Noveritis me, præfatum Willelmum,
dedisse, concessisse et hoc præsenti scripto meo confirmasse Henrico
Everyngham armigero, Hugoni Fenne gentilman, Henrico Wyndesore
gentilman, Roberto Toppes juniori, gentilman, et Johanni Bokkyng,
gentilman, omnia et singula bona mea et catalla, mobilia et
immobilia, viva et mortua, ubicumque et in quorumcumque manibus, tam
infra comitatu prædicto quam alibi infra regnum Angliæ existentia
seu[338-2] inveniri poterint; acetiam omnia debita quæ mihi
quacumque de causa a quibuscumque personis ubilibet debentur;
habenda et tenenda omnia prædicta bona, catalla et debita præfatis
Henrico, Hugoni, Henrico, Roberto et Johanni, executoribus et
assignatis suis, ad inde faciendum, ordinandum et disponendum
liberam suam voluntatem, ut de bonis, catallis et debitis suis
propriis, sine contradictione, perturbatione, seu reclamatione
aliquali imperpetuum; Ita, videlicet, quod nec ego, prædictus
Willelmus, nec executores mei, nec aliquis alius per nos, pro nobis,
seu nomine nostro, aliquid juris, proprietatis, seu clamei in
prædictis bonis, catallis et debitis, nec in aliqua parcello
eorundem, de cætero exigere, clamare seu vendicare poterimus nec
debemus in futuro; sed ab omni actione juris, proprietatis et clamei
inde petendi totaliter simus exclusi imperpetuum per præsentes. In
cujus rei testimonium huic præsenti, scripto meo sigilium meum
apposui. Datum vicesimo octavo die Augusti, anno regni Regis Henrici
Sexti post Conquestum Angliæ tricesimo octavo.
_Et memorandum quod prædictus Willelmus venit in Cancellariam Regis
apud Westmonasterium primo die Septembris anno præsenti et
recognovit scriptum prædictum et omnia contenta in eodem in forma
prædicta._
[Footnote 338-1: [From _Close Roll_ 39 Henry VI., m. 13 _d._]
[Footnote 338-2: _Sic._]
[[scripto meo sigilium meum
_text unchanged: error for “sigillum”?_]]
[[p. 199 = shortly before sidenote “Claimants of Fastolf’s
property”]]