The following commissions are found on the Patent Roll 38 Henry VI., p.
2, m. 21. They afford remarkable evidence of the terror inspired in the
Queen’s Government by the capture of Lord Rivers at Sandwich.
_De advocando et debellando._--Rex carissimo consanguineo suo
Johanni Duci Norff’ ac dilecto et fideli suo Philippe Wentworth
militi, necnon dilectis, sibi Roberto Willoughby, Johanni Hopton,
Willelmo Tyrell, Thomæ Brewes, Gilberto Debenham, Johanni Clopton,
Willelmo Jenney, et Reginaldo Rous, salutem. Quia satis manifestum
est quod quidam rebelles nostri Ricardo nuper Comiti Warr’ proditori
et inimico nostro adhærentes, villam nostram Sandewici jam tarde
intrarunt et ibidem mala quamplurima nobis et fidelibus ligeis
nostris fecerunt et perpetrarunt, et alia mala prioribus pejora in
diversis partibus comitatus nostri Suff’, si eas ingredi poterint,
facere et perpetrare proponunt, ut veraciter informamur, nisi eorum
maliciæ citius et celerius resistatur: Nos, tam maliciæ ipsius
inimici nostri ac complicum suorum prædictorum (_sic_), quam pro
defensione partium ibidem providere volentes, ut tenemur,
assignavimus vos, conjunctim et divisim, ac vobis et vestrum
cuilibet plenam potestatem et auctoritatem damus et committimus ad
advocandum coram vobis [omnes] et singulos ligeos nostros comitatus
prædicti, cujuscunque status, gradus seu condicionis fuerint, de
quibus vobis melius videbitur expedire, ad proficiscendum vobiscum
contra præfatum inimicum nostrum ac complices suos prædictos, ac ad
assistenciam et auxilium suum vobis seu vestrum cuilibet in eorum
resistenciam dandum et impendendum in casu quo idem inimicus noster
ac complices sui prædicti dictum comitatum vel partes adjacentes
ingredi præsumant, ac ad eos et secum comitantes ut hostes et
rebelles nostros debellandum, expugnandum, et destruendum, ac ad
omnia alia et singula quæ juxta sanas discretiones vestras in hac
parte in repressionem prædictorum inimicorum nostrorum ac complicum
suorum et eorum maledicti propositi fore videritis necessaria et
oportuna, faciendum, exercendum et exequendum. Et insuper
assignavimus vos conjunctim et divisim ad omnes personas partem
prædicti nuper Comitis Warr’ seu aliorum rebellium nostrorum et
complicum suorum verbis vel operibus defendentes et tenentes, vel
aliqua verba contra majestatem nostram regiam habentes et dicentes,
similiter capiendum et arestandum, et in prisonis nostris in forma
prædicta custodiendum, et custodiri faciendum. Et ideo vobis et
vestrum cuilibet mandamus quod circa præmissa diligenter intendatis
et ea faciatis et exequamini in forma prædicta. Damus autem
universis et singulis vicecomitibus, majoribus, ballivis,
constabulariis, ac aliis officiariis, ministris, fidelibus legiis et
subditis nostris quibuscunque, tam infra libertates quam extra,
tenore præsentium, firmiter, in mandatis, quod vobis et vestrum
cuilibet in executione præmissorum intendentes sint, assistentes et
auxiliantes in omnibus diligenter. In cujus, &c. Teste Rege apud
Westmonasterium, x. die Februarii.
Per Consilium.
Consimiles literæ Regis patentes diriguntur carissimo consanguineo
suo Johanni Duci Norff’ ac dilectis et fidelibus suis Thomæ Tudenham
militi, Willelmo Chamberleyn militi, Miloni Stapulton militi, et
Philippo Wentworth militi; necnon dilectis sibi Willelmo Calthorp,
Johanni Heydon, Henrico Inglose, Johanni Wymondham, et Thomæ
Claymond in comitatu Norff’. Teste ut supra.
Consimiles literæ Regis patentes diriguntur dilectis et fidelibus
suis majori et aldermannis ac vicecomitibus villæ suæ de Kyngeston
super Hull, et eorum cuilibet in villa prædicta. Teste Rege apud
Westmonasterium, xvj. die Februarii.
[[necnon dilectis, sibi Roberto Willoughby
_superfluous comma in original_]]
[[p. 185 = midway between sidenotes “Lord Rivers at Sandwich”
and “The Legate Coppini”]]