上帝造天堂，用其来赏善人；造地狱，用其来罚恶人。罪有大小，罚有重轻，总係上帝主意与古人冇关涉。今下所讲地狱十八重，阎王十位，好比姓曹、麻、于、薛、昌、萧、包、寇、韩等，每只管一重，另外还有八重，就唔知那侪管。係咁假嘅说话，不过係骗愚蠢嘅人，难骗明白嘅君子。好比姓包侪，在宋仁宗当时，做河南开封府嘅官职，十分忠直，唔畏有权尊贵嘅人，又敢罚该等奸雄人。时常揸正王法，像铁石心肠噔，有犯法嘅人，虽然係皇帝嘅子孙，国家嘅亲戚，也唔赦其罪，必定照律法来审判。故所以当时，该等人称佢做铁面包公、阎王包老。等到包公死开以後，有等好事嘅人称佢做地狱阎王，又管阳间生死。试问下，宋朝以前唔曾有包公，係那这掌地狱，佢自家生死又那侪管理呢？诗经有写倒咁样话：“畏天之威，惟皇上帝。”意思即係话，独係畏上帝嘅威势，故所以愿吾等爱敬畏管生死嘅大主宰。