查考左传，社为土地嘅主，封土公，称土神。後代拜社，做土地伯公。查考社字，係平水土嘅官衔，有能为管理后土，其名即係句龙，古书有讲，句龙在颛顼皇帝当时，佢做管理后土嘅职份，做平水土嘅官员，督理开水路，平水有功劳，如同今下督理开河嘅官一样。人死也哙离开生前嘅职份，时永久都係管理后土嘅主吗？今下人唔去查考，因自己好利，塑泥像，其手揸团金，装成老人相貌，就称佢土地伯公。又话每年三月廿九，係土地诞，搭棚做戏来敬拜佢。又有等在各田头，设倒土地伯公来跪拜，作为咁样，报其功劳。殊不知土产万物，係由造化主恩赐，唔报恩土，反下转报土嘅功劳，如同得亚爸产业，叩头在田地，係咁样合唔合呢？