文昌姓陈，名子春，係宋朝嘅状元。到元朝仁宗三年，封佢做文昌帝君，意思係表明其才学最高。殊不知，後来该等读书人，妄想功名，称佢做司禄嘅神，佢有主权保佑人得功名，立倒文昌庙来敬拜佢，望佢保佑入学中举。做乜嘅唔查考宋朝以前，唔曾有子春当时，也有人考功名，该当时，又有那侪做司禄管理功名呢？好比有一只，其屋家贫穷，佢又唔勤力读书，又唔明白文义，徒然去拜文昌，时咁样都可以入学中举吗？设使勤力读书，又极有才学，自然国家凭文取士，自古到今也係咁样。故所以四书有讲：“君子求诸己。”唔曾话读书人爱求文昌。可见文昌，唔可以保佑人得功名就明白啰。